فکر فراہی اور اس کے گمراہ کن اثرات

مولانافراہی کی تفسیرسورہ ٔ فیل ایک تنقیدی جائزہ شیخ شیخ عبدالرحمٰن بن یحییٰ المعلمی الیمانی رحمہ اللہ مترجم: ڈاکٹر محمد رضی الاسلام ندوی حفظہ اللہ مولانا حمید الدین فراہی (1863ء-1930ء) کےبعض تفردات سے اہلِ علم نےاتفاق نہیں کیااوران پرجرح وتنقید کی ہے۔ ان کی تحریروں میں سب سے زیادہ تفسیرسورۂ فیل ہدفِ تنقیدبنی ہے۔ اس تفسیرمیں مولانانے یہ نقطۂ نظرپیش کیاتھاکہ شاہِ یمن ابرہہ جب خانۂ کعبہ ڈھانے کے ارادے سے اپنے لاؤلشکرکےساتھ آیاتھاتواہلِ مکہ نے مقابلہ سے پہلوتہی نہیں کی تھی، بلکہ ڈٹ کراس کامقابلہ کیاتھااوراس پرپتھروں کی بارش کی تھی اوراللہ تعالیٰ نے بھی اس پرزبردست آندھی مسلط کردی تھی، جس سے پورالشکرہلاک ہوگیاتھا۔ بعدمیں اللہ تعالیٰ نے ان کی لاشوں کوکھانے کے لیے پرندےبھیجےتھے۔ اس نقطۂ نظرپرجن حضرات نے نقد کیاتھاان میں مولاناحفظ الرحمٰن سیوہاروی(قصص القرآن، جلدسوم) اورمولاناسیدابوالاعلیٰ مودودی(تفہیم القرآن جلدششم) مشہورہیں۔ حال(1434ھ) میں اس پرایک ناقدانہ تحریرعربی زبان میں شیخ علامہ عبدالرحمٰن بن یحییٰ المعلمی الیمانی (م:1386ھ/1966ء) کے قلم سے شائع ہوئی ہے۔ شیخ معلمی کی ولادت یمن میں1312ھ/1895 ء میں ہوئی۔ وہیں انہوں نے تعلیم کے مراحل طے کیے، یہاں تک کہ انہیں شیخ الاسلام کے لقب سے نوازاگیا۔ 1345ھ میں وہ ہندوستان آگئےتھے، جہاں1371 ھ تک ربع صدی سے زائد عرصہ دائرۃ المعارف العثمانیہ حیدرآباد سے وابستہ رہے۔ ان کے ذمے حدیث وتاریخ کی کتابوں کی تحقیق وتصحیح کاکام تھا۔ اس کے بعدوہ واپس مکہ مکرمہ چلے گئے، جہاں انہیں مکتبۃ الحرم المکی کاذمہ داربنادیاگیا۔ انہوں نے متعددامہات الکتب کی تحقیق کی ہے، جن میں ابن ماکولاکی الاکمال اورسمعانی