فکر فراہی اور اس کے گمراہ کن اثرات

حجاز میں آبادتھی۔ انہیں ہلاک کرنےوالی آندھی کہیں دوردراز سےکنکرپتھرلےکرنہیں آئی تھی، بلکہ وہ جن راستوں سے گزرتی تھی انہی میں پڑے ہوئے کنکرپتھراپنےساتھ اڑائےہوئے چلتی تھی۔ اب اگر اس علاقہ میں سجیل کےقسم کےپتھرپائے ہی نہیں جاتےتھے توسوال پیداہوتاہے کہ یہ آندھیاں بھی اپنے ساتھ سجیل کے پتھرکہاں سےلائی تھیں ؟ ‘‘[1] یہ ایک فاش غلطی ہے۔ قرآن میں سورۂ فیل کےعلاوہ دوجگہ ﴿حِجَارَۃً مِّنْ طِیْنٍ﴾کےالفاظ آئے ہیں (ہُود:82، الحجر:74)اور ایک جگہ ﴿حِجَارَۃً مِّنْ طِیْنٍ﴾کے الفاظ ہیں(الذاریات:33) تینوں جگہ مراد قوم لوط ہے۔ تاریخ اورجغرافیہ سےادنیٰ سی بھی واقفیت رکھنےوالاجانتاہے کہ قوم لوط حجاز میں نہیں، بلکہ وہاں سےسینکڑوں میل دورشام میں بحرمردار(DEAD SEA)کے کنارے آبادتھی۔ اس لئے قوم لوط کوقلم کے زورپرسرزمینِ حجاز میں آباد کردیناسخت غلطی ہے۔ نئی تاویل کاسبب مولانا فراہی کی تفسیرسورۂ فیل کامطالعہ کرتےوقت بارہایہ خیال ذہن میں آیا کہ آخرمولاناکےذہن میں یہ عجیب وغریب تفسیرکیسےآئی؟جب کہ کوئی روایت ساتھ نہیں دیتی۔ تفسیر کی کسی کتاب میں ہلکاسابھی اشارہ نہیں ملتا اورامت کی تاریخ میں کسی کی جانب سے یہ رائے سامنے نہیں آئی۔ مطالعہ سے معلوم ہواکہ اشعارِعرب کےوسیع وعمیق مطالعہ کےنتیجہ میں مولاناکےذہن میں عربوں کی اخلاقی، شجاعت وبہادری، شہ سواری اور شمشیرزنی کی تصویرمرتسم ہوگئی تھی، اس لئے ان کوشبہ ہواکہ انہوں نے لشکرِابرہہ سے ضرورمقابلہ آرائی کی ہوگی۔ اسی کوبنیادبناکرمولانانے اشعارِعرب میں سےمجمل اشعارلےلیے اورانہیں اپنےمدّعا پردلیل بنادیا۔ اسی خیال کوذہن میں رکھ کرانہوں نےسورۂ فیل پرنظرڈالی اورجواشکال آتےگئے انہیں قرآن کےمختلف اسالیب، قواعدنحواورعربی اشعارسے حل کرتےگئے اورجوروایتیں ان کےخلاف ملیں انہیں” بےبنیاد، غلط، لغو“ قرار دےدیااوراس طرح تانے بانے بنتےبنتےسورۂ فیل کی ایک ایسی تفسیروجود میں آئی جوحقیقت کے بالکل برعکس تھی۔ مولاناکے اس خیال کااندازہ درج ذیل اقتباس سے ہوتاہے:

[1] تحقیقات اسلامی، ص:56۔ 55