فکر فراہی اور اس کے گمراہ کن اثرات

مولانا فراہی نے بھی یہی لکھاہے کہ”کسی امرکااقرار کرنےکےلئے بھی عربی زبان میں یہی اسلوب ہے۔ جب یہ اندازِکلام اختیارکیاجاتاہے تواس کےبعد کسی مشہورومعروف ہی بات کاذکرآتاہے۔ “[1] معلوم ہوا کہ یہ قرآن کاایک مخصوص اسلوب ہے، اسے عام ضابطہ نہیں بنایاجاسکتا۔ 3۔ ایک سوال یہ پیداہوتاہے کہ اگرچڑیاں سنگ باری کرنے کےلیے نہیں، بلکہ لاشوں کوکھانے کے لئے آئی تھیں توترتیب کلام یوں ہونی چاہئےتھی: ﴿تَرْمِيهِمْ بِحِجَارَةٍ مِنْ سِجِّيلٍ، فَجَعَلَهُمْ كَعَصْفٍ مَأْكُولٍ، وَأَرْسَلَ عَلَيْهِمْ طَيْرًا أَبَابِيلَ ﴾ اس کاتذکرہ کرتےہوئے مولاناامین احسن اصلاحی فرماتےہیں : ”یہ سوال جن لوگوں کےذہن میں پیداہواہے ہمارے نزدیک وہ عربیت کےایک خاص اسلوبِ بلاغت سے ناآشناہیں۔ وہ یہ کہ بعض مرتبہ کسی نتیجۂ خیریاشرکی مبادرت ظاہرکرنےکےلئے اس کوفعل کی پوری تفصیل سے پہلے ظاہرکردیتےہیں۔ دعاؤں کی قبولیت ظاہرکرنےکےلئے قرآن نےیہ اسلوب جگہ جگہ اختیارکیا ہےاورہم اس کی وضاحت کرتےآئے ہیں۔ یہاں سورۂ نوح سے ایک مثال پیش کرتےہیں : ﴿قَالَ نُوحٌ رَبِّ إِنَّهُمْ عَصَوْنِي وَاتَّبَعُوا مَنْ لَمْ يَزِدْهُ مَالُهُ وَوَلَدُهُ إِلَّا خَسَارًا۔ ، وَمَكَرُوا مَكْرًا كُبَّارًا۔ ، مِمَّا خَطِيئَاتِهِمْ أُغْرِقُوا فَأُدْخِلُوا نَارًا فَلَمْ يَجِدُوا لَهُمْ مِنْ دُونِ اللَّهِ أَنْصَارًا۔ ، وَقَالَ نُوحٌ رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا﴾(نوح:21-26) ”ان آیات پرتدبر کی نظرڈالیے تومعلوم ہوگاکہ حضرت نوح علیہ السلام کی دعاکے پہلے ہی فقرےکے بعدان کی قوم کاانجام رکھ دیاگیاہے اوران کی باقی دعامؤخرکردی گئی ہے، حالانکہ انجام بہرحال پوری دعاکے بعدہی سامنے آیاہوگا۔ اس کی وجہ اس کےسوااورکیاہوسکتی ہے کہ قبولیتِ دعاکی مبادرت ظاہرکرنے کے لئے ترتیب کلام میں تقدیم وتاخیرکردی گئی۔ بالکل اسی طرح اس سورہ میں ابرہہ کی فوجوں کاانجام ظاہرکرنے کے لیے ان پرچڑیوں کےبھیجےجانے کاذکرپہلے کیااوران کےپامال ہونےکاذکراس کے بعد کیا۔ سورہ کامزاج چوں کہ قریش پرامتنان واحسان کاتھااس وجہ سے بلاغت کاتقاضا یہی تھاکہ دشمن کی بدانجامی کی تصویرپہلے سامنے آجائے۔ ‘‘[2]

[1] تفسیرسورۂ فیل، ص:43 [2] تدبر قرآن، ج، 8، ص565-566