فکر فراہی اور اس کے گمراہ کن اثرات

مولانانے ان کے علاوہ اوربھی بہت سی مثالیں دی ہیں، لیکن ان تمام مثالوں کااستقراء کرنے سے ایک دوسراپہلوسامنے آتاہے۔ یہ صحیح ہے کہ خطاب کبھی واحد کے صیغے سےہوتاہے اوراس سے مراد جماعت ہوتی ہے، لیکن وہاں کوئی نہ کوئی قرینہ اوراشارہ ایسا ضرورہوتاہے جو اس پردلالت کرتاہے، چنانچہ اس واحد کےصیغے کےبعدیااس سے پہلے جمع کاصیغہ ہوتاہے جس سے معلوم ہوتاہے کہ واحد کاصیغہ بھی جمع کے معنی ٰ میں ہے۔ غالباً قرآن میں کوئی آیت ایسی نہیں جس میں ایساکوئی قرینہ نہ پایاجاتاہو، اس کےباوجود واحد کاصیغہ جمع کے معنیٰ میں ہو۔ یہاں یہ استدلال نہیں کیاجاسکتاکہ چوں کہ سورۂ فیل میں ’ الم تر ‘سےمرادجمع ہے اس لئے اس کےبعد ’ ترمیھم‘ بھی جمع ’ترمونھم ‘کےمعنیٰ میں ہے، اس لئے کہ الم ترقرآن کایک مخصوص اسلوب ہے۔ (الم تر) کے الفاظ قرآن میں اکتیس مرتبہ آئے ہیں۔ قرآن یہ اسلوب اس وقت اختیارکرتاہے جب کسی اہم بات کی طرف اشارہ کرنااورلوگوں کواس کی طرف متوجہ کرنامقصود ہوتاہے، جیسے کسی اہم اورمشہورواقعہ کی طرف اشارہ کرنا: عاد وثمود(الفجر:6)، نمرود(البقرۃ:258)، بنی اسرائیل(البقرۃ:243-246)، اصحاب الفیل(فیل:1)، یااہل کتاب (آل عمران:23)، منافقین (النساء:60-77، المجادلہ:8-14مشرکین(ابراہیم:28، مریم:83، مؤمن:69)شعراء(الشعراء:225) کے رویہ کی طرف توجہ دلانا۔ یااللہ کی صفات کی طرف متوجہ کرانا(ابراہیم :19-24 المجادلۃ:7) یاآثارِکائنات کی طرف توجہ مبذول کرانا(الحج:18، 63-65، النور:41-43، الفرقان:45، لقمان : 29-31، فاطر:27، الزمر:31)۔ امام فخرالدین الرازی رحمہ اللہ نے لکھاہے: ’’المرادمن الرؤیۃ العلم والتذکیر، وھوإشارۃ إلی أن الخبر بہ متواتر، فکان العلم الحاصل بہ ضروریاً مساویاًفی القوّۃ ولجلاء للرؤیۃ۔ ‘‘[1] ’’رؤیت سےمراد علم اورتذکیرہے اس سے اس بات کی طرف اشارہ ہوتاہے کہ اس سے جوعلم حاصل ہوتا ہے وہ قوت ووضاحت میں رؤیت کےمساوی ہے۔ ‘‘

[1] تفسیرکبیر، 32/97