فکر فراہی اور اس کے گمراہ کن اثرات

فأرسل من ربّھم حاصب یلفھم مثل لف القزم (ابوقیس) فلما اجاز وأبطن نعمان ردّھم جنودالإلٰہ بین ساف وحاصب (ابوقیس) حمدت اللّٰہ إذا عاینت طیراً وحصب حجارۃ تلقی علینا (نفیل خثعمی) پہلے دواشعارمیں ’حاصب ‘اور ’ساف ‘ کےالفاظ ہیں۔ ان سےانہوں نےیہ استدلال کیاہے کہ”عربی میں حاصب اس تندہواکوکہتےہیں جوکنکریاں اورسنگ ریزے لاکرپاٹ دیتی ہے اورسافی اس ہواکو کہتے ہیں جوگردوغبارخس وخاشاک اوردرختوں کی پتیاں اڑاتی ہوئی چلتی ہے۔ ‘‘ دوسرےشعرکاترجمہ مولاناامین احسن اصلاحی نےیہ کیاہے ”جوں ہی وہ بطن نعمان سےآگے بڑھے خداکی فوجوں نےساف اورحاصب کی شکل میں نمودارہوکران کوپسپاکردیا۔ “[1] یہ ترجمہ صحیح نہیں۔ خود انہوں نےاپنی تفسیر ’تدبرقرآن‘میں اس کاشعرکاجوترجمہ کیاہے وہ صحیح ہے”جوں ہی وہ بطن نعمان سے آگے بڑھے خدا کی فوجوں نےساف اورحاصب کےدرمیان نمودارہوکرانہیں پسپا کردیا۔ “[2] اس سےمعلوم ہوتاہے کہ خداکی فوج، جس نےلشکرِابرہہ کوپسپاکیاوہ ساف اورحاصب کے علاوہ کچھ اورہے۔ ان فوجوں نےلشکرکواس حال میں پسپاکیاجب تیزوتندہوابھی چل رہی تھی۔ وہ خداائی فوج کیاتھی؟ روایتوں سے اس کی وضاحت ہوجاتی ہے۔ تیسراشعرمختلف کتابوں میں کچھ الفاظ کے اختلاف سے مذکورہے۔ جیسے سیرت ابن ہشام میں ہے: حمدتُ اللّٰہ إذابصرتُ طیراً وخفت حجارۃً تلقی علینا ’’میں نےاللہ کاشکراداکیا جب پرندوں کودیکھا، اورڈررہاتھاکہ کہیں پتھرہمارے اوپرنہ آپڑیں۔‘‘

[1] تفسیرسورۂ فیل۔ ص:64 [2] تدبرقرآن، 8/560