فکر فراہی اور اس کے گمراہ کن اثرات

”جوشخص یہ گمان رکھتاہو کہ اللہ دنیاوآخرت میں اس کی کوئی مددنہ کرےگااسےچاہئے کہ ایک رسی کےذریعے آسمان تک پہنچ کرشگاف لگائے، پھردیکھ لے کہ آیااس کی تدبیرکسی ایسی چیزکوردکرسکتی ہے جواس کوناگوارہے۔ ‘‘ اورکبھی بری تدبیرکےمعنیٰ میں آتاہے، خواہ علانیہ ہی کیوں نہ ہو۔ حضرت ابراہیم علیہ السلام کےخلاف ان کی قوم کی سازشیں ڈھکی چھپی نہ تھیں۔ انہوں نےعلانیہ معبودوں کی دہائی دےکرحضرت ابراہیم علیہ السلام کوآگ کےالاؤ میں جھونک دینے کامنصوبہ بنایاتھا، لیکن قرآن نےاس کےلئے بھی کید کالفظ استعمال کیاہے: ﴿قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ * فَأَرَادُوا بِهِ كَيْدًا فَجَعَلْنَاهُمُ الْأَسْفَلِينَ﴾ (الصّٰفت:97۔98) ﴿قَالُوا حَرِّقُوهُ وَانصُرُوا آلِهَتَكُمْ إِن كُنتُمْ فَاعِلِينَ، قُلْنَا يَا نَارُ كُونِي بَرْدًا وَسَلامًا عَلَى إِبْرَاهِيمَ، وَأَرَادُوا بِهِ كَيْدًا فَجَعَلْنَاهُمُ الأَخْسَرِينَ ﴾(الانبیاء:68۔70) ”کید“کےمعنیٰ خفیہ چال مان بھی لیں تب بھی مولانافراہی کی مذکورہ تشریح صحیح نہیں، اس لئے کہ اوپرگزراکہ ابرہہ کاحملہ موسم حج میں نہیں، بلکہ محرم کےمہینے میں ہواتھا۔ ابن اسحاق کی روایت سےمعلوم ہوتاہے کہ ابرہہ نے (قلیّس)نامی گرجاگھرتیارکرایاتھااورچاہتاتھاکہ لوگ خانہ ٔکعبہ کاحج کرنےکےبجائے اس گرجاکاحج کریں۔ اس اثنامیں کسی عرب نےگرجاکوگنداکردیا، یاممکن ہے خوداس نےسازش کرکےگندا کروادیاہواورعربوں کی جانب منسوب کردیاہو۔ بہرحال اس طرح اس نے ظاہرمیں خانۂ کعبہ کوڈھانے کاایک بہانہ تلاش کرلیا، ورنہ وہ دل میں بہ ہرصورت اسےڈھانے کاعزم رکھتاتھا۔ امام فخرالدین الرازی نے”کید“کی یہی تشریح کی ہے۔ [1] کلام عرب سےاستشہاد 1۔ مولانا فراہی نےدسویں فصل کاعنوان یہ قائم کیاہے:”کلام عرب کی شہادت کہ سنگ باری آسمان اور ہواسے ہوئی“اوراس میں سات آٹھ شعراء کےاشعارنقل کیےہیں، لیکن تعجب ہوتاہے کہ بیشتر اشعارمیں سنگ باری کاکوئی تذکرہ نہیں۔ جن اشعار سےکسی نہ کسی صورت میں استدلال کیاجاسکتاہے وہ یہ ہیں:

[1] فخرالدین رازی، مفاتیح الغیب معروف بہ التفسیرالکبیر، داراحیاءالتراث العربی، ج:۳۲، ص۹۹۔