فکر فراہی اور اس کے گمراہ کن اثرات

مولانا فراہی کاطریقۂ تفسیر مولانا فراہی کےنزدیک بنیادی ماخذ صرف قرآن ہے، حدیث کوفرع کی حیثیت حاصل ہے، اس لیے ان کے نزدیک تفسیرکاطریقہ یہ ہے کہ پہلے قرآن میں تدبرکیاجائےاورقرآن کےالفاظ، سیاق وسباق اور نظم سے اس کامفہوم سمجھاجائے، پھرجومفہوم سمجھ میں آیاہواس پرحدیث کوپرکھاجائے۔ اگرحدیث سےبھی وہ مفہوم معلوم ہوتا ہوتوحدیث کوقبول کرلیاجائے: ”شان نزول خودقرآن کے اندرسےاخذکرنی چاہئے اوراحادیث وروایات کےذخیرہ میں سے صرف وہ چیزیں لینی چاہئیں جونظمِ قرآن کی تائیدکریں، نہ کہ اس کے تمام نظام کودرہم برہم کریں۔ پھرسب سےزیادہ لائقِ اہتمام وہ شانِ نزول ہےجوخود قرآن سے مترشح ہورہی ہو۔‘‘ [1] یہی طریقہ کار انہوں نے تفسیرسورۂ فیل میں بھی اپنایاہے۔ چنانچہ فرماتےہیں: ”مفسرین عموماً اس قصہ کی تما م تفصیلات روایات سے اخذ کرتےہیں اور ضعیف وقوی روایات میں کوئی فرق نہیں کرتے۔ یہ شکل مضر اورعموماً صحیح تاویل تک پہنچنے سےمانع ہوتی ہے، اس لیے ضروری ہے کہ واقعہ کی اصلی شکل روایات سےبالکل الگ کرکےدیکھی جائے، اس کےبعد روایات پربھی نظرڈالی جائے اورکمزور وایات کوصحیح روایات سے چھانٹ کرالگ کیاجائے۔ ‘‘[2] قرآن میں تدبرضروری ہے، لیکن روایات کوپس پشت ڈال کرصرف عقل کاسہارا لینااورروایات کوعقلی طور پرسمجھ میں آنے والے مفہوم پرپرکھناحداعتدال سے تجاوز ہے۔ ایک تاریخی واقعہ کے سلسلہ میں صحیح روایات کےساتھ ضعیف اورمبالغہ آمیزروایات ہونے کاامکان ہے لیکن اس کی وجہ سے تمام روایتوں کوبےبنیاد اورخودساختہ قراردیناصحیح نہیں۔

[1] مولاناحمیدالدین فراہی، مقدمہ نظام القرآن، ترجمہ مولاناامین احسن اصلاحی، ص:26-27، طبع اول، دائرہ حمدیہ سرائےمیر، اعظم گڑھ۔ [2] ایضاً، تفسیر سورہ فیل، ص:42۔