فکر فراہی اور اس کے گمراہ کن اثرات

ہوسکتاہے جوقرآن نہ ہو، لہٰذاایک طرح سے ناسخ ومنسوخ دونوں خداکاہی کلام ہے، فرق صرف الفاظ وعبارت کاہے، اللہ کاکلام وہ بھی ہے جس کے الفاظ بھی منجانب اللہ ہیں اورہمیں اس کی تلاوت کاحکم ہے، جسے قرآن کہاجاتاہے اوروہ بھی ہےجس کے الفاظ ا للہ کی طرف سے نہیں ہیں، جسے سنت کہاجاتاہے، قرآن ہویاسنت دونوں کوسنانے اوربیان کرنے والےرسو ل اللہ صلی اللہ علیہ وسلم ہیں اورہرحالت میں ناسخ اللہ تعالی ہی ہے ‘‘۔ اور علامہ شوکانی لکھتےہیں: (ولایخفاک أن السنۃشرع مناللّٰه عزوجل کماأن الکتاب شرع منہ سبحانہ وقدقال ماآتاکم الرسول فخذوہ ومانھاکم عنہ فانتھواوأمرسبحانہ باتباع رسولہ فی غیرموضع فی القرآن فھذابمجردہ یدل علیٰ أن السنۃ الثابتۃ عنہ ثبوتاعلی حدثبوت الکتاب العزیز حکمھاحکم القرآن فی النسخ وغیرہ ولیس فی العقل مایمنع من ذلک ولافی الشرع)[1] ”تم پریہ پوشیدہ نہیں ہے کہ جس طرح سے قرآن اللہ تعالیٰ کی طرف سے نازل کردہ شریعت ہے اسی طرح سے حدیث بھی ہے۔ اوراللہ تبارک وتعالیٰ فرماتاہے کہ رسول صلی اللہ علیہ وسلم جوپیش کریں اسے تھام لو، اورجس سے روکیں اس سے رک جاؤ، اورقرآن میں متعدد جگہوں پررسو ل اللہ صلی اللہ علیہ وسلم کی پیروی کاحکم دیاگیاہے، جس سے معلوم ہوتاہے کہ جوسنت رسول اللہ صلی اللہ علیہ وسلم سےیقینی اورقطعی ذریعہ سے ثابت ہے جس طرح سے کہ قرآن، اس کاحکم نسخ وغیرہ میں قرآن ہی کا حکم ہے، اوردین وعقل کے اعتبارسےیہ ممتنع نہیں ہے۔ ‘‘ امام شافعی کی یہ بات دلیل کے اعتبارسےاس قدرکمزورہے کہ خود ان کے پیروکاروں نے ان کے کلام کی تاویل کرکے اسےجمہور کے نقطہ نظرسےقریب تربناناچاہاہے۔ [2] مگرفراہی صاحب ہیں کہ اس قدرمضبوط نقطہ نظرکےلیے”فتنہ“کالفظ استعمال کرتےہیں، سچ تویہ ہے کہ اس طرح کی بات وہی کہہ سکتاہے جوحدیث کی حیثیت سے ناواقف ہویااسے وحی الٰہی کےخانے میں رکھنے کاقائل نہ ہوجیساکہ منکرین حدیث کاخیال ہے۔

[1] ارشادالفحول، ص :191، محمدبن علی بن محمدالشوکانی، ت:1255ھ، ط :دارلمعرفہ بیروت، 1979ء۔ [2] حوالہ مذکور، ص:191-192