فکر فراہی اور اس کے گمراہ کن اثرات

جمہورفقہاء محدثین اس کےقائل ہیں، جن میں امام اعظم ابوحنیفہ اورامام مالک کانام سرفہرست ہے، امام شافعی وغیرہ اس کے قائل نہیں ہیں، علامہ فراہی بھی اسی نقطہ نظرکے مؤیدہیں لیکن جس لب ولہجہ میں انہوں نے حنفیہ وغیرہ کی تردید کی ہے وہ جادۂ اعتدال سے ہٹی ہوئی اورشدت پسندی پرمبنی ہے، وہ لکھتے ہیں : ’’ امام شافعی، احمدبن حنبل اورعام اہل حدیث، حدیث کوقرآن کےلیے ناسخ نہیں مانتے، اگرچہ حدیث متواتر ہو، پس جب ائمہ حدیث جوحدیث کے معاملہ میں صاحب البیت کی حیثیت رکھتےہیں اس بات کےقائل نہیں ہیں توہم اس بارے میں فقہاء ومتکلمین کی رائے کوکوئی وزن نہیں دیتے، اللہ تعالیٰ ہم کو اس فتنہ سے امن میں رکھے کہ ہم اس بات کےقائل ہوں کہ رسول، اللہ کےکلام کومنسوخ کرسکتاہے، اس طرح کےمواقع میں تمام تردخل راویوں کے وہم اوران کی غلطی کوہے۔ ‘‘[1] حقیقت یہ ہے کہ تمام فقہاء ومحدثین اس بات کےقائل ہیں کہ حدیث بھی ایک طرح سے ”وحی“اوراللہ کاکلام ہے، کہ الفاظ الہامی نہیں ہوتےبلکہ معانی کاالقاء من جانب اللہ ہوتاہے، اورجب وہ اللہ کاکلام ہے اورقطعی ویقینی ذریعہ سے ثابت ہے تواس کے ذریعہ سے کسی آیت کومنسوخ کرنےمیں کیاقباحت ہے کہ اسےفتنہ سے تعبیرکیاجائے، کہ یہ بھی کلام اللہ کو کلام اللہ کےذریعہ منسوخ کرنےکےقبیل سےہےنہ کہ رسول اللہ صلی اللہ علیہ وسلم اپنی طرف سے منسوخ کرتےہیں چنانچہ امام غزالی لکھتےہیں:)والحقیقۃ أن الناسخ ھوا للّٰه عزوجل علی لسان رسولہ صلیاللّٰه علیہ وسلم والمقصودأنہ لیس من شرطہ أن ینسخ حکم القرآن بالقرآن بل علی لسان رسولہ صلیاللّٰه علیہ وسلم بوحي لیس بقرآن، وکلام اللّٰہ تعالی ٰواحدھو الناسخ باعتباروالمنسوخ باعتبارولیس لہ کلامان أحدھماقرآن والآخرلیس بقرآن إنما الف فی العبارات فربمادل علي کلامہ بلفظ منظوم یأمرنابتلاوتہ فیسمّیٰ قرآناً اوربمادل بغیرلفظ متلوفیسمی سنۃوالکل مسموع من الرسول علیہ السلام والناسخ ھوا للّٰه تعالیٰ علی کل حال)[2] ”حقیقت یہ کہ ناسخ اللہ تعالیٰ ہی ہےاگرچہ الفاظ رسو ل اللہ صلی اللہ علیہ وسلم کے ہیں، اورقرآن کےنسخ کےلیےیہ ضروری نہیں ہے کہ وہ قرآ ن ہی کے الفاظ کے ذریعہ ہوبلکہ رسو ل اللہ صلی اللہ علیہ وسلم کی زبانی ایسی وحی سے بھی نسخ

[1] مقدم نظام القرآن، ص:41 [2] المستصفیٰ1/125، ابوحامد محمد بن محمدالغزالی، ط: دارالمعرفہ بیروت لبنان