فکر فراہی اور اس کے گمراہ کن اثرات

یہ صحیح بخاری کی ایک حدیث ہے جسے تاویل کرکے قرآن کے موافق بنایاجاسکتاہے جیساکہ محدثین نے کیابھی ہے اورخودان کےشاگردرشید مولاناامین احسن اصلاحی لکھتےہیں: ’’ اگرکذب کےمعنی توریہ کےلیے جائیں تواس روایت کاصحیح محل متعین ہوجاتاہے اورعربی زبان کی روسے یہ معنی صحیح ہیں۔ ‘‘[1] حدیثیں قرآن سےماخوذاورمستنبط ہیں، حدیث وقرآن میں شرح ومتن کارشتہ ہے، خود آپ صلی اللہ علیہ وسلم نے متعدد موقعوں پرحدیث بیان کرنے کے بعداس کےقرآنی ماخذ کی نشاندہی کی ہے، علامہ فراہی نےعملی طورپراپنی تفسیرمیں اس اصول کوبرتنےکی کوشش کی ہے، اورمتعددحدیثوں کےقرآنی ماخذکی طرف رہنمائی کی ہے، اس موضوع پر”احکام الاصول“کےنام سےان کی ایک مستقل تصنیف ہے جس میں انہوں نے دکھایاہے کہ رؤیت باری، وارث کےلیے وصیت کاحکم، وصیت کاایک تہائی تک محدود ہونا، خالہ اورپھوپھی کامحرمات میں سےہونا آیت قرآن سے ثابت ہے، لیکن یہ بھی ایک انسانی کوشش ہے جس کاصحیح ہونا ضروری نہیں ہے۔ اس کی بنیاد پرکسی صحیح حدیث کی ناقابل قبول تاویل یاانکارغلط اورنارواہے۔ واضح رہے کہ علامہ فراہی نظم قرآن سے عدم مطابقت کی وجہ سے صحیح حدیثوں کوردکردیتےہیں، وہیں بکثرت ضعیف حدیث سےاستدلال بھی کرتےہیں جوان کے خیال کے مطابق نظم قرآن کےموافق ہوتی ہے۔ قبول حدیث کےسلسلہ میں ان کااصول یہ ہے کہ: جس حدیث کاماخذقرآن میں متعین نہ کیاجاسکےاورحدیث کاحکم قرآن کے خلاف نہ ہوبلکہ اس پراضافہ ہوتو یہ اضافہ اس بناپرقبول کرلیاجائےگا کہ وہ اس نوربصیرت کانتیجہ ہے جوحضور صلی اللہ علیہ وسلم کوبطورخاص عطاءہوئی تھی، ایسے احکام کوسنت میں مستقل اصل قراردیاجائےگا۔ ۔ ۔ احکام کی ایسی روایات جن کی بنیادقرآن میں نہ ملتی ہواورنہ اس اضافہ کا قرآن متحمل ہو سکتاہواوروہ قرآن کے نصوص کے خلاف ہویاان کےماننے سے قرآن کاجلی یاخفی نسخ لازم آتاہوان کاترک کرناضروری ہے کیونکہ ان کی نسبت آنحضور کی طرف درست نہیں ہے۔ متواترحدیث کے ذریعہ”کتاب اللہ“ کی کسی آیت کومنسوخ کرناممکن ہے یانہیں یہ ایک اختلافی مسئلہ ہے۔

[1] حاشیہ نظام القرآن، ص:39۔