فکر فراہی اور اس کے گمراہ کن اثرات

آیتیں سیکھتےاوراس کےبعدجب تک کہ ان آیتوں کی علمی اورعملی کیفیات کونہ معلوم کرلیتےآگے نہیں بڑھتےتھے۔ [1] اگرقرآن کے معانی ومفہوم کوجاننے کے لیےزبان دانی کافی ہوتی اوراحادیث کی ضرورت نہ ہوتی تو صحابہ کرام کوآنحضور صلی اللہ علیہ وسلم سے سیکھنےاورسکھانے کی حاجت نہ ہوتی۔ علاوہ ازیں اگرمکمل قرآن قطعی الدلالت ہے توصحابہ کرام کے درمیان قرآن فہمی کے سلسلہ میں اختلاف نہیں ہوناچاہیےکہ وہ اہل زبان تھے، اس کےعلاوہ نزول قرآن کے پورے ماحول سے باخبراورسیاق وسباق سے پورے آگاہ، حالانکہ ان کے درمیان متعددموقعوں پراختلاف ہواہے جواس بات کی واضح دلیل ہے کہ پوراقرآن قطعی الدالالت نہیں ہے بلکہ اس میں بہت سے الفاظ ایسے ہیں جن میں متعدد معانی کااحتمال ہے اورجس کے تعین کےلیےحدیث وغیرہ سے مراجعت ضروری ہے جیساکہ جمہورامت کایہی مسلک ہے۔ [2] چنانچہ علامہ شاطبی لکھتےہیں: (لأن الکتاب یکون محتملالأمرین فأکثرفتأتي السنۃ یتعین أحدھمافیرجع إلی السنۃ ویترک مقتضی الکتاب)[3] ’’ قرآ ن میں کبھی دویااس سے زیادہ معانی کااحتمال ہوتاہے، حدیث ان میں سےایک کومتعین کردیتی ہے لہٰذاسنت کی طرف رجوع کیاجائے گااورقرآن کے دیگراحتمالات کوترک کردیاجائےگا۔ ‘‘ یہ تو بات دواوردوچار کی طرح واضح ہے کہ بہت سے الفاظ متعددمعانی کااحتمال رکھتےہیں اوراہل لغت نے اس کےمتعدد معانی بیان کیے ہیں، قرآن میں بھی بہت سی جگہوں پرایسے الفاظ استعمال ہوئے ہیں ایسی حالت میں کسی ایک مفہوم کی ترجیح کےلیے دوہی راستے ہوسکتے ہیں۔ عقل انسانی یاجس پرقرآن نازل ہواہے اس کےارشادات واقوال، پہلی صورت پُرخطرہے اورانسانی کاوش اورذہنی پیداوارکونادانستہ قرآن بنانے کی کوشش، اورعقل کومعصوم سمجھنے کی غلطی، اورحدیث سے بے نیازی برتنے والے اسی غلطی میں مبتلاہوتےہیں، اللہ اس سے حفاظت فرمائے۔

[1] الاتقان2/176۔ [2] دیکھیے اصول الفقہ للخلاف/35۔ [3] الموافقات 4/8,10، بحوالہ ترجمان السنۃ1/123۔