فکر فراہی اور اس کے گمراہ کن اثرات

هو أعلم بالقرآن) ”خداکی قسم قرآ ن کےبجائے ہم بھی کوئی اورکتاب نہیں چاہتےلیکن ہم اس سے کیسے قطع نظرکرسکتےہیں جوقرآن کاسب سےزیادہ جاننے والا ہے۔ “[1] دوسرے یہ کہ صحابہ کرام سے بڑھ کرزبان دانی کادعوی کون کرسکتاہے، جوایک ایک لفظ کے لغوی اورمحاورتی مفہوم سے واقف تھے۔ قرآن ان کےسامنے نازل ہورہاتھا، آیت کےپس منظر اورسیاق وسباق سے بخوبی آگاہ تھے، انہیں توپیغمبر صلی اللہ علیہ وسلم سےرجوع کئے بغیرقرآن سمجھ میں نہیں آیا، توبعد کے لوگوں کوآپ صلی اللہ علیہ وسلم کی راہنمائی کے بغیرقرآ ن کیسے سمجھ میں آسکتاہے، چنانچہ صحیح بخاری میں ہے کہ جب یہ آیت نازل ہوئی کہ: ﴿الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الأَمْنُ وَهُمْ مُهْتَدُونَ﴾(الا ٔنعام:82) ”وہ لوگ جوایمان لائے اوراپنےایمان میں کسی ظلم کی امیزش نہیں کی یہی لوگ ہیں جن کے لیے امن ہے اوریہی لوگ راہ یاب ہیں۔ ‘‘ توصحابہ کرام پریشان ہوگئے اوردربارنبوت میں آکرعرض کیاکہ (أیّنالم یظلم) ہم میں کون ایساہے جس نے ایمان کے بعدظلم نہ کیاہو، کہ ہرطرح کی معصیت اورگناہ ظلم کے دائرےمیں آتاہے اورشاید ہی کوئی اس سے محفوظ ہو، لہٰذا اس آیت کے مطابق تو کوئی بھی فوزفلاح کامستحق نہ ہوگا۔ آنحضور صلی اللہ علیہ وسلم نےفرمایاکہ یہاں ظلم کاعمومی مفہوم مراد نہیں ہےبلکہ ظلم کی ایک خاص اورانتہائی شکل شرک مرادہے، چنانچہ قرآن ہی کی دوسری آیت میں شرک کوظلم سے تعبیرکیاگیاہے۔ [2] کیاکوئی محض لغت کی مدد سے یہ متعین کرسکتاہے کہ یہاں ظلم سے مراد عموی ظلم نہیں بلکہ شرک ہے۔ اس کے علاوہ متعدد مثالیں جن میں صحابہ کرام رضوان اللہ علیہم کوقرآن سمجھنےکےلیے جناب رسالت مآب صلی اللہ علیہ وسلم سےمراجعت کی ضرورت پڑی، بلکہ وہ بڑے اہتمام سے معانی قرآن کوسیکھتے اورسکھاتےتھے، چنانچہ علامہ سیوطی نے لکھاہے کہ حضرت عثمان بن عفان رضی اللہ عنہ اورحضرت عبدللہ بن مسعود رضی اللہ عنہ جیسے صحابۂ کرام آنحضور صلی اللہ علیہ وسلم سے دس

[1] الموافقات4/24، بحوالہ ترجمان السنۃ:1/117۔ [2] صحیح بخاری، باب ظلم دون ظلم، کتاب الایمان، حدیث نمبر:۔