فکر فراہی اور اس کے گمراہ کن اثرات

قرآن میں ہواکاوہ سرسری اشارہ کہاں ہے؟ بہرحال یہ استدلال بھی تفصیل طلب ہے، اس لیے اس سے صرف نظرکرتےہوئےان کادوسرابیان ملاحظہ ہو: ”خلاصہ اس ساری تفصیل کا یہ نکلاکہ حضرت موسیٰ علیہ السلام کواللہ تعالیٰ نے تُندہواکے ذریعے سے نجات بخشی اورفرعون اوراس کی فوجوں کونرم ہواکےذریعے سے ہلاک کردیا، یعنی رحمت اورعذاب دونوں کرشمے ہواہی کے عجیب وغریب تصرفات کے ذریعے سے ظاہرہوئے۔ “ [1] یعنی فراہی صاحب کے نزدیک اس واقعے کی قطعاً کوئی معجزانہ حیثیت نہیں ہے۔ یہ قرآن کریم کی ایک نہایت واشگاف حقیقت کاکیسا واضح انکارہے۔ گویامولانا فراہی نےمتعددجگہ احادیث کاانکاریاان سے گریز کرکے کئی قرآنی حقیقتوں کومسخ کیااوراس مقام پرماشاءاللہ تورات پرقرآ ن سےبھی زیادہ اعتماد کرتےہوئےایک عظیم قرآنی معجزےکا انکارکر دیا۔ فراہی صاحب کےاصول ستّہ، حدیث اورقرآن دونوں کےانکارکومستلزم ہیں قرآن کریم کی تفسیرکےیہ چھ اصول ہیں جوفراہی صاحب نے بیان کیے ہیں۔ ان میں پہلے پانچ اصول ایسے ہیں کہ ہراصول کامآل اورنتیجہ انکارحدیث ہے، جیساکہ ہم دلائل سےواضح کرآئے ہیں۔ یہ چھٹا اصول، یعنی قدیم آسمانی صحیفے(تورات وغیرہ)ان کے تحریف شدہ ہونےکے باوجود فراہی صاحب کےنزدیک یہ قابل اعتماد اورگوناگوں فوائد کے حامل ہیں۔ اس اصول کے ذریعےسے بھی انہوں نے قرآنی حقائق کابھی انکارکیاہے اوراحادیث کابھی انکارکیاہے۔ تورات کے بیان پرقرآن کریم کےبیان کردہ معجزےکےانکارکی تفصیل توقارئین کرام نےملاحظہ فرمالی، تورات ہی کےبیان پرحدیث-صحیح بخاری کی حدیث-کےانکارکی مثال مولانا فراہی کایہ موقف ہےکہ سعی بین الصفاوالمروۃ کارکنِ حج حضرت ہاجرہ سلام اللہ علیہا کے پانی کی تلاش میں دوڑنے کی یادگارنہیں ہے بلکہ یہ بےہودہ روایت ہے اوریہودیوں کی گھڑی ہوئی۔ جیساکہ پہلے اس کاحوالہ گزرچکاہے۔ [2]

[1] تفسیرسورہ ٔ ذاریات، ص:131-132۔ [2] دیکھیے ان کی کتاب ”ذبیح کون ہے؟ص:137۔