کتاب: فتاویٰ برائے خواتین - صفحہ 26
عمل نہ کیا ہو تو اس کے لیے ایک قول کے مطابق اس کے اس پہلے فتویٰ پر عمل کرنا حرام ہے جب کہ دوسرا قول یہ ہے کہ محض مفتی کے رجوع کی وجہ سے اس کے پہلے فتویٰ پر عمل کرنا حرام نہیں ہوگا بلکہ اسے چاہیے کہ اس کے متعلق کسی اور مفتی سے بھی فتویٰ طلب کرے اور اگر دوسرے مفتی کا فتویٰ اس کے پہلے فتویٰ کے مطابق ہو تو اس پر عمل کرے اور اگر وہ اس کے دوسرے فتویٰ کے مطابق فتویٰ دے اور کسی اور نے بھی اس کے اس دوسرے فتویٰ کے خلاف فتویٰ نہ دیا ہو تو پھر پہلے فتویٰ پر عمل کرنا حرام ہوگا اور اگر کسی شہر میں مفتی ہی ایک ہو تو پھر اس سے یہ پوچھ لے کہ اس نے اپنے پہلے فتویٰ سے رجوع کیوں کیا ہے؟ اگر اس کے رجوع کا سبب یہ ہو کہ اس نے اس مسئلہ میں کسی دوسرے قول کواختیار کر لیا ہے جب کہ پہلا قول بھی درست ہے تو اس صورت میں پہلے فتویٰ پر عمل کرنا حرام نہ ہو گا اور اگر اس کے رجوع کا سبب یہ ہو کہ اس کا پہلا فتویٰ صحیح نہیں تھا اور اس میں اس سے غلطی ہو گئی ہے تو پھر اس کے مطابق عمل کرنا حرام ہے بشرطیکہ اس کےرجوع کا سبب یہ ہو کہ اس کا پہلا فتویٰ شرعی دلیل کے خلاف ہو اور اگر اس کا رجوع محض اس وجہ سے ہو کہ وہ اس کے مذہب کے خلاف ہے تو پھر مستفتی کے لیے اس کے مطابق عمل کرنا حرام نہیں ہوگا۔[1]
کیا مستفتی کو بتانا ضروری ہے؟
اگر مفتی اپنے فتویٰ سے رجوع کر لے یا اس کے اجتہاد میں کوئی تبدیلی رونما ہو جائے تو کیا اس کے لیے یہ لازم ہے کہ وہ مستفتی کو بھی اس کے بارے میں مطلع کرے؟تو اس سوال کا جواب یہ ہے کہ اگر مفتی کو یہ معلوم ہو کہ فتویٰ دینے میں اس سے غلطی ہو گئی ہے اور اس کا فتویٰ کتاب و سنت کی کسی ایسی نص کے خلاف ہے جس کے مقابلہ میں کوئی نص موجود نہیں ہے یا اس کا فتویٰ اجماع امت کے خلاف ہے تو اس سورت میں اسے چاہیے کہ وہ مستفتی کو مطلع کرے اور اگر اسےیہ معلوم ہے کہ اس کا فتویٰ صرف اس کے اپنے فقہی مذہب یا اپنے امام کے قول کے خلاف ہے تو اس صورت میں مستفتی کو مطلع کرنا واجب نہیں ہے۔[2]
[1] ۔سنن ابي داود مع شرحه عون المعبود ج10 ص65 دارالكتب العلمية بيروت۔
[2] ۔تفصيل كے ليے ملاحظہ فرمائيے:البحر الرائق لابن نجيم ج6 ص289۔مواهب الجليل مع التاج والاكليل ج6 ص94۔95 المجموع للنوي ج1 ص42 روضة الناظر ج2 ص 441 اعلام الموقعين ج1 ص37۔38۔مكتبه ابن تيميه قاهره۔
[3] ۔الفتاويٰ الهنديه ج 3 ص 309۔310۔البحر الرائق لابن نجيم ج6 ص291۔
[4] ۔ملاحظہ فرمائيے التاج والاكليل مع مواهب الجليل ج6 ص91 المجموع للنووي ج1 ص45 كشاف القناع للبهوتي الحنبلي ج6 ص242
[5] ۔اعلام الموقعين ج4 ص199۔330 مكتبه ابن تيميه القاهرة۔