کتاب: عیسیٰ ابن مریم علیہما السلام - صفحہ 19
تمام ادیان باطل ہوجائیں گے اور اسلام سب دینوں پر غالب آجائے گا۔‘‘
(تفسیر الطّبري : 21/320، ھجر)
نزول عیسیٰ علیہ السلام اور متواتر احادیث
دین کا دوسرا ماخذ حدیث رسول ہے، جس کو قرآن کی تفسیر، بیان اور تشریح کہا جاتا ہے، رسول اللہ صلی اللہ علیہ وسلم نے سیدنا عیسیٰ علیہ السلام کی آمد کے متعلق اپنی کئی احادیث میں بیان کیا ہے، یہاں تک کہ وہ احادیث تواتر کی حد تک پہنچ گئی ہیں۔
٭ امام طبری رحمہ اللہ (310ھ)فرماتے ہیں :
تَوَاتَرَتِ الْـأَخْبَارُ عَنْ رَّسُولِ اللّٰہِ صَلَّی اللّٰہُ عَلَیْہِ وَسَلَّمَ أَنَّہٗ قَالَ : یَنْزِلُ عِیسَی ابْنُ مَرْیَمَ فَیَقْتُلُ الدَّجَّالَ .
’’رسول اللہ صلی اللہ علیہ وسلم سے متواتر احادیث مروی ہیں کہ آپ نے فرمایا : عیسیٰ بن مریم علیہما السلام نازل ہوں گے، پھر دجال کو قتل کریں گے۔‘‘
(تفسیر الطّبري : 3/291)
٭ حافظ نووی رحمہ اللہ (676ھ) لکھتے ہیں :