کتاب: عیسیٰ ابن مریم علیہما السلام - صفحہ 11
’’یہودیوں میں سے اس وقت تک کوئی آدمی وفات نہیں پائے گا، جب تک کہ سیدنا عیسیٰ علیہ السلام پر ایمان نہ لے آئے۔‘‘
(تاریخ دِمَشق لابن عساکر : 47/513، وسندہٗ حسنٌ)
٭ اس آیت کی تفسیر میں حسن بصری رحمہ اللہ فرماتے ہیں :
قَبْلَ مَوْتِ عِیسٰی وَاللّٰہِ إِنَّہُ الْآنَ لَحَيٌّ عِنْدَ اللّٰہِ، وَلٰکِنْ إِذَا نَزَلَ آمَنُوا بِہٖ أَجْمَعُونَ ۔
’’یعنی عیسیٰ علیہ السلام کی وفات سے پہلے (سب یہودی و عیسائی ان پر ایمان لے آئیں گے)۔ اللہ کی قسم! آپ اللہ تعالیٰ کے ہاں زندہ ہیں ، لیکن جب آپ نازل ہوں گے، تو لوگ ان پر ایمان لے آئیں گے۔‘‘
(تفسیر الطّبري : 7/665، وسندہٗ صحیحٌ، ھجر)
٭ امام ابو مالک، غزوان غفاری رحمہ اللہ اس آیت کی تفسیر میں فرماتے ہیں :
ذٰلِکَ عِنْدَ نُزُولِ عِیسَی ابْنِ مَرْیَمَ لَا یَبْقٰی أَحَدٌ مِّنْ أَہْلِ الْکِتَابِ إِلَّا لَیُؤْمِنَنَّ بِہٖ ۔
’’ایسا عیسیٰ ابن مریم علیہما السلام کے نزول کے وقت ہو گا کہ کوئی یہودی و عیسائی باقی نہیں رہے گا مگر آپ پر ایمان لے آئے گا۔‘‘
(تفسیر الطّبري : 7/664، وسندہٗ صحیحٌ، ھجر)
٭ جویریہ بن بشیر (ثقہ) رحمہ اللہ کہتے ہیں :
سَمِعْتُ رَجُلًا قَالَ لِلْحَسَنِ : یَا أَبَا سَعِیدٍ قَوْلُ اللّٰہِ تَعَالٰی : ﴿وَإِنْ مِّنْ أَہْلِ الْکِتَابِ إِلَّا لَیُؤْمِنَنَّ بِہٖ قَبْلَ مَوْتِہٖ﴾(النساء : 159) قَالَ :