دروس و خطبات

کے کچھ کہنے سے پہلے ہم نے ان کے چہرے سے پتہ چلا لیا کہ اسلام ان کے دل میں گھر کرچکا ہے، حضرت اسید نے کہا کہ کتنی بہترین اور اچھی بات یہ ہے، آپ لوگ اس دین میں داخل ہونے کے لئے کیا صورت اختیار کرتے ہین۔ حضرت مصعب اور حضرت اسعد نے ان کی رہنمائی فرمائی اور وہ مشرف بہ اسلام ہوگئے، جب وہ واپس گئے تو دور ہی سے سعد بن معاذ نے انھیں دیکھ کر کہا کہ اللہ کی قسم جس رخ کے ساتھ یہ گئے تھے اس رخ کے ساتھ واپس نہیں ہوئے۔ حضرت اسیدنے وہاں پہنچ کر ایک بہانے سے حضرت سعد بن معاذ کو ان دونوں کے پاس بھیج دیا، اور وہ تمام صورت حال جو اسید کے ساتھ پیش آئی تھی حضرت سعد کے ساتھ بھی پیش آئی اور قرآن کی تلاوت نے ان کے دل کی بھی دنیا بدل ڈالی اور وہ مشرف بہ اسلام ہوکر واپس ہوئے، یہی نہیں بلکہ واپس آکر اپنی قوم کے لوگوں کو بھی اسلام کی دعوت دی اور وہ لوگ بھی مسلمان ہوگئے۔ (سیرت ابن ہشام:۱؍۴۳۵-۴۳۸)