دروس و خطبات

کافر بتلا یا اور ان کے دین میں عیب نکالے، پس میں چند امور تمہارے سامنے پیش کرتا ہوں، ان کو تم غور سے سنو، شاید کو ئی بات ان میں سے تمہیں پسند آجائے۔نبی اکرم صلی اللہ علیہ وسلم نے فرمایا:اے ابو الولید تم کہو میں سن رہاہوں۔اس نے کہا:’’یہ جو دعویٰ نبوت کا تم نے کیا ہے اس سے تمہارا مطلب یہ ہے کہ تم ساری قوم میں سب سے زیادہ مالدار ہوجاؤ، یا یہ مطلب ہے کہ سب کے سردار بنو کہ تمہاری اجازت کے بغیر کوئی کام نہ ہو یا تمہارا ارادہ حکومت کرنے کا ہے، تو یہ سب ہم لوگ تمہارے لیے کر سکتے ہیں اور اگر یہ بات ہے کہ کوئی جن یا آسیب تمہارے سر پر آتا ہے اور تم اس کو دفع نہیں کرسکتے تو ہم حکیم کو بلا کر اپنے خرچ سے تمہارا علاج کرادیں گے تاکہ تم اچھے ہو جاؤ۔جب عتبہ اپنی بات کہہ چکا تو اللہ کے رسول نے کہا کہ اے ابو الولید کہہ چکے؟ اس نے کہا کہ ہاں کہہ چکا۔آپ نے فرمایا:اب میری بات سنو، اس نے کہا فرمائیے، آپ نے تلاوت شروع کی: ﴿حم۔تَنزِیْلٌ مِّنَ الرَّحْمَنِ الرَّحِیْم۔کِتَابٌ فُصِّلَتْ آیَاتُہُ قُرْآناً عَرَبِیّاً لِّقَوْمٍ یَعْلَمُونَ۔بَشِیْراً وَنَذِیْراً فَأَعْرَضَ أَکْثَرُہُمْ فَہُمْ لَا یَسْمَعُونَ﴾(سورہ فصلت:۱-۳)پڑھتے پڑھتے جب آپ سجدہ کے مقام پر پہنچے توسجدہ کیا اور عتبہ پشت کے پیچھے زمین پر ہاتھ ٹکائے خاموشی کے ساتھ بیٹھا سن رہا تھا، نبی کریم صلی اللہ علیہ وسلم نے سجدہ سے فارغ ہو کر فرمایا:اے ابو الولید!تم نے اپنی بات کا جواب سن لیا؟ پس اب تم جانو تمہارا کام جانے۔عتبہ وہاں سے اٹھ کر اپنے ساتھیوں میں آیا، اس کی صورت دیکھ کر مجلس کے لوگ آپس میں کہنے لگے یہ اس منہ کے ساتھ نہیں آیا ہے جس منہ کے ساتھ گیا تھا۔جب یہ پہنچا تو انہوں نے پوچھا ابو الولید کیا خبر لائے ہو؟ اس نے کہا میں نے ایسی بات سنی ہے کہ قسم کھا کر کہتا ہوں کہ ایسی بات کبھی نہیں سنی، نہ تو وہ شعر ہے نہ جادو ہے نہ کہانت ہے، اے قریش میری بات مانو تو اس شخص کو اسی حالت پر چھوڑ دو، میں قسم کھا کر کہتا ہوں کہ یہ جو بات میں نے اس شخص سے سنی ہے یہ تمام عالم میں پھیلے گی، پس اگر عرب اس کے مخالف ہوگئے تب تم کو اس کی مخالفت کی زحمت نہیں اٹھانی پڑے گی، اور اگر یہ عرب پر غالب ہوا تو اس کی حکومت تمہاری