دروس و خطبات

آنے سے نہ جانے کیا سمجھیں گے، مگر پھر جب دوسری رات ہوئی پھر یہ لوگ سننے کو آگئے اور طلوع فجر کے بعد واپسی میں راستے میں ایک دوسرے سے ملاقات ہوگئی اور وہی گفتگو ہوئی جو پہلی رات ہوئی تھی، پھر تیسری رات یہ تینوں آئے اور صبح کو راستے میں پھر ان کی باہم ملاقات ہوئی، اب انہوں نے آپس میں عہد کیا کہ اب ہم ہرگز نہ آئیں گے، صبح ہونے کے بعد اخنس بن شریق اپنی چھڑی ہاتھ میں لے کر ابو سفیان کے گھر پر آیا اور کہا کہ ابو حنظلہ!(ابو سفیان کی ایک کنیت ہے)یہ جو تم نے محمد سے سنا اس کے متعلق تمہاری کیا رائے ہے؟ ابو سفیان نے کہا، اے ابو ثعلبہ(اخنس کی کنیت ہے)میں نے چند باتیں ایسی سنیں جن کو سمجھا اور ان کے مطلب سے آگاہ ہوا، اخنس نے کہا کہ واقعی میری بھی یہی حالت ہے، پھر اخنس ابوسفیان کے پاس سے ہوکر ابوجہل کے پاس آیا اور کہا کہ اے ابو الحکم(ابو جہل کی کنیت ہے)یہ جو تم نے محمد سے سنا اس کے بارے میں تمہاری کیا رائے ہے؟ ابو جہل نے کہا میں نے کیا سنا، بات یہ ہے کہ بنی عبد مناف ہمیشہ ہم سے شرف اور عزت کی بابت جھگڑتے ہیں، وہ حاجیوں کو کھانا کھلاتے ہیں ہم بھی کھلاتے ہیں، وہ نادار مسافر کو خرچ دیتے ہیں ہم بھی دیتے ہیں، وہ مسکین کی خدمت کرتے ہیں ہم بھی کرتے ہیں یہاں تک کہ ہر بات میں ہم اور وہ برابر ہیں، کسی بات میں وہ ہم پر فوقیت نہیں رکھتے، اب وہ کہنے لگے کہ ہم میں نبی ہے اور اس کے پاس آسمانی وحی آتی ہے۔تو پھر ہم اس بات کو کیسے پا سکتے ہیں اور اس میں ان کی کیوں کر برابری کر سکتے ہیں، خدا کی قسم ہم تو کبھی اس پر ایمان نہیں لائیں گے اور نہ ہی اس کی تصدیق کریں گے، اخنس ابو جہل سے یہ جواب سن کر چلا گیا۔ (سیرت ابن ہشام:۱؍۳۳۷-۳۳۸) قریش کے ایک نمائندے کا تاثر: عتبہ بن ربیعہ ایک روز اللہ کے رسول صلی اللہ علیہ وسلم کے پاس آکر عرض کرتا ہے کہ اے میرے بھتیجے ہمارا اور تمہارا جو رشتہ ہے اسے تم جانتے ہو اور تم یہ بھی دیکھتے ہو کہ تم اپنی قوم کے پاس ایسی چیز لائے ہو جس سے تم نے اس کو متفرق کر دیا، تم نے ان کے باپ دادا کو جاہل اور