الدروس المہمۃ کی شرح کا اردو ترجمہ دروس ابن باز

بھی چیز سے اس کا ازالہ نہیں کیا جاسکتا۔مثلاً اگر کوئی انسان نماز کا کوئی رکن چھوڑ دے ؛ اور پھر نماز کے آخر میں دو سجدے کرلے؛ تو اس کی نماز ایک رکن کو ترک کرنے وجہ سے باطل ٹھہرے گی۔ نماز کی شرائط شرط :....جیسا کہ علمائے کرام نے اس کا مطلب بیان کیا ہے؛ وہ چیز ہے جس کے عدم سے عدم لازم آتا ہو؛ مگر اس کے وجود سے وجود یا عدم لذاتہ لازم نہ آتا ہو۔ مثال کے طور پر: وضوء؛ نماز کی شروط میں سے ایک شرط ہے۔وضو کے نہ ہونے سے نماز کا نہ ہونا؛ اور اس کی عدم صحت لازم آتی ہے۔ پس جو کوئی بغیر وضوکے نماز پڑھ لے؛ تو اس کی نماز نہیں ہوتی۔ حدیث میں ہے: نماز میں غلطی کرنے والے سے نبی کریم صلی اللہ علیہ وسلم نے فرمایا: ’’ جب تم نماز کے لیے اٹھو تو اچھی طرح سے وضوء کر لو۔‘‘ (أخرجہ البخاری 6251 مسلم 397؛ عن ابی ہریرہ ) پس وضوء کے نہ ہونے سے نماز کا نہ ہونا لازم آتا ہے؛ مگر وضوء کے ہونے سے نماز کا ہونا لازم نہیں آتا۔ جو کوئی وضوء کرلے؛ تو وضوء کرنے سے اس کا نماز پڑھنا لازم نہیں آتا ۔لیکن وضوء نہ ہونے سے نماز کا نہ ہونا لازم آتا ہے۔ شرط اول:.... اسلام ؛کافر کے اعمال باطل ہوتے ہیں ؛ یا پھر وہ تباہ شدہ ہوتے ہیں جنہیں اللہ تعالیٰ قبول نہیں کرتے؛ فرمایا: ﴿ وَمَنْ يَّكْفُرْ بِالْاِيْمَانِ فَقَدْ حَبِطَ عَمَلُہٗ ، ۡوَہُوَفِي الْاٰخِرَۃِ مِنَ الْخٰسِرِيْنَ ، ﴾ [المائدہ 5] ’’ اور جو شخص ایمان سے منکر ہوا اس کے عمل ضائع ہو گئے اور وہ آخرت میں نقصان پانے والوں میں ہوگا۔‘‘ اور اللہ سبحانہ و تعالیٰ فرماتے ہیں : ﴿ مَا كَانَ لِلْمُشْرِكِيْنَ اَنْ يَّعْمُرُوْا مَسٰجِدَ اللّٰهِ شٰہِدِيْنَ عَلٰٓي اَنْفُسِہِمْ بِالْكُفْرِ ، ۭ اُولٰۗىِٕكَ حَبِطَتْ اَعْمَالُہُمْ ، ۖ وَفِي النَّارِ ہُمْ خٰلِدُوْنَ ﴾ [التوبہ 17] ’’مشرکوں کو زیبا نہیں کہ اللہ کی مسجدوں کو آباد کریں جبکہ وہ اپنے آپ پر کفر کی گواہی دے رہے ہیں ۔ ان لوگوں کے سب اعمال بےکار ہیں اور یہ ہمیشہ دوزخ میں رہیں گے۔‘‘ اورجيساکہ اللہ سبحانہ و تعالیٰ فرماتے ہیں : ﴿ وَلَقَدْ اُوْحِيَ اِلَيْكَ وَاِلَى الَّذِيْنَ مِنْ قَبْلِكَ ، لَىِٕنْ اَشْرَكْتَ لَيَحْبَطَنَّ عَمَلُكَ وَلَتَكُوْنَنَّ مِنَ الْخٰسِرِيْنَ ، ﴾ [الزمر65] ’’اورآپ کی طرف اور آپ پہلے انبیاء کی طرف وحی بھیجی گئی ہے۔ کہ اگر تم نے شرک کیا تو تمہارے عمل برباد ہوجائیں گے اور تم زیاں کاروں میں سے ہوجاؤ گے۔‘‘ کفر اور شرک سے اعمال تباہ و برباد ہو جاتے ہیں ۔نماز کی شرائط میں سے ایک اس دین میں داخل ہونا بھی ہے۔اور