دنیا کا خاتمہ

یہ بھی کہا گیاہے کہ حضرت عیسیٰ علیہ السلام کا نزول دمشق کی جامع مسجد اموی کے میناروں میں سے ایک مینار پر ہوگا۔ اللہ ہی بہتر جانتا ہے، میں یہاں پر کسی چیز کے بارے میں دو ٹوک طور پر کچھ نہیں کہہ سکتا۔ حضرت عیسیٰ علیہ السلام کی پیدائشی صفات نبی کریم صلی اللہ علیہ وسلم نے حضرت عیسیٰ علیہ السلام کے اوصاف بیان کیے ہیں اور وہ احوال بیان فرمائے ہیں جن میں آپ کا نزول ہوگا۔ تاکہ آپ کا معاملہ لوگوں کے سامنے واضح ہواور کسی کو کوئی دھوکہ نہ لگے۔ حضرت عیسیٰ علیہ السلام : ٭ درمیانی قامت کے ہوں گے۔ نہ ہی بہت طویل ہوں گے اورنہ ہی چھوٹے قد کے۔ ٭ آپ کی جلد کا رنگ سرخ اور سفیدی مائل ہوگا۔ ٭ آپ کا سینہ کشادہ ہوگا۔ ٭ آپ کے بال لمبے ہوں گے،گویا کہ آپ کے سر سے قطرے ٹپک رہے ہوں ، حالانکہ ان کو نمی نہیں پہنچی ہوگی۔ ٭ سیّدنا عروہ بن مسعود رضی اللہ عنہ سے زیادہ مشابہ ہوں گے۔ سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے شب معراج کے بیان میں فرمایا : ’’میں موسیٰ علیہ السلام سے ملا ، اورعیسیٰ علیہ السلام سے ملا؛ آپ کی نشانیاں بیان کرتے ہوئے رسول اللہ صلی اللہ علیہ وسلم نے فرمایا۔ تو وہ میانہ قد سرخ رنگ کے تھے، ایسا معلوم ہوتا تھاجیسے وہ ابھی حمام سے نکلے ہیں ۔‘‘ (متفق علیہ) سیّدنا ابن عباس رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا: ’’میں نے عیسیٰ، موسیٰ اور ابراہیم علیہم السلام کو (شب معراج میں ) دیکھا عیسیٰ تو سرخ رنگ پیچیدہ بال اور چوڑے چکلے سینہ کے آدمی تھے ۔‘‘ (بخاری) سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ’’میں نے اپنے آپ کو حطیم میں دیکھا اور قریش مجھ سے میرے معراج پر جانے کے