دعا کے مسائل

کَثِیْرًا لَّعَلَّکُمْ تُفْلِحُوْنَ﴾(45:8)’’اے لوگو! جو ایمان لائے ہو! جب کسی گروہ سے تمہارا مقابلہ ہوتو ثابت قدم رہو اور اللہ کو کثرت سے یاد کرو تاکہ تمہیں کامیابی حاصل ہو۔‘‘(سورۃ انفال، آیت نمبر45) پس دعوت حق کی ابتلأ و آزمائش کا معاملہ ہو یا میدان جنگ میں کفار سے معرکہ قتال درپیش ہو، اللہ کی یاد ہی فلاح اور کامیابی کی ضمانت ہے اسی ذکر کثیر کی برکت سے انسان کو دنیا جہان کی وہ سب سے بڑی نعمت سکون قلب حاصل ہوتی ہے جسے حاصل کرنے کے لئے آج مخلوقِ خدا لاکھوں اور کروڑوں روپے صرف کر رہی ہے جس کی خاطر بے شمار لوگ اپنی دنیا اور دین تک برباد کر لیتے ہیں لیکن یہ نہیں جانتے کہ یہ نعمت کسی بازار یا مزار سے نہیں ملتی نہ کسی درگاہ یا خانقاہ سے حاصل ہوتی ہے بلکہ آسمانوں سے نازل ہوتی ہے ﴿اَلاَ بِذِکْرِ اللّٰہِ تَطْمَئِنُّ الْقُلُوْبُ﴾ ’’یا رکھو! سکون قلب تو اللہ کے ذکر سے ہی ملتا ہے۔‘‘(سورۃ الرعد، آیت نمبر28) اللہ کی یاد سے غفلت دنیا اور آخرت میں شدید خسارے کا مؤجب ہے۔ اللہ تعالیٰ کا فیصلہ ہے ﴿وَ مَنْ اَعْرَضَ عَنْ ذِکْرِیْ فَاِنَّ لَہٗ مَعِیْشَۃً ضَنْکًا وَّنَحْشُرُہٗ یَوْمَ الْقِیٰمَۃِ اَعْمٰی﴾ ’’اور جس نے میری یاد سے منہ موڑا اس کے لئے دنیا میں تنگ زندگی ہوگی اور قیامت کے روز ہم اسے اندھا کرکے اٹھائیں گے۔‘‘(سورۃ طہٰ، آیت نمبر124)دنیا میں تنگ زندگی سے مراد محض رزق کی تنگی نہیں بلکہ مطلب یہ ہے کہ اگر کوئی شخص کروڑ پتی بھی ہوگا تو اسے سکون قلب میسر نہیں آئے گا۔ اگر کوئی ملک کا فرمانروا ہوگا تو اسے بھی چین نصیب نہیں ہوگا۔سورۃ زخرف میں اللہ پاک کا ارشاد مبارک ہے ﴿وَمَنْ یَّعْشُ عَنْ ذِکْرِ الرَّحْمٰنِ نُقَیِّضْ لَہٗ شَیْطَانًا فَھُوَ لَہٗ قَرِیْنٌ﴾ ’’جو شخص اللہ کی یاد سے غفلت برتے گا ہم اس پر ایک شیطان مسلط کر دیں گے جو(ہر وقت)اس کے ساتھ رہے گا۔‘‘(آیت نمبر36)جس آدمی پر اللہ تعالیٰ کی طرف سے سزا کے طور پر شیطان مسلط کر دیا جائے اسے دنیا میں سکون اور چین کیسے میسر آسکتا ہے اور پھر اس کی آخرت کی بربادی میں کون سی کسرباقی رہ جائے گی؟ اللہ تعالیٰ سب مسلمانوں کو ایسی حالت سے محفوظ رکھے۔ آمین! توبہ ارشاد نبوی صلی اللہ علیہ وسلم ہے:’’ہر شخص خطا کار ہے اور بہترین خطاکار توبہ کرنے والے ہیں۔(ترمذی‘ ابن ماجہ)اس حدیث مبارک میں رسول اکرم صلی اللہ علیہ وسلم نے دوباتوں کی نشاندہی فرمائی ہے۔ پہلی یہ کہ ہر شخص