دعا کے آداب و شرائط کتاب وسنت کی روشنی میں

مجھے ابو سلمہ سے بہتر خلف(جانشین)یعنی رسول اللہ صلی اللہ علیہ وسلم عطا فرمایا۔[1] ۱۵- اسم اعظم کے ذریعہ دعا کر نے والے کی دعاء: حضرت عبد اللہ بن بریدہ رضی اللہ عنہ سے روایت ہے ،وہ اپنے والد سے روایت کرتے ہیں کہ رسول اللہ صلی اللہ علیہ وسلم نے ایک شخص کو کہتے ہوئے سنا : ’’اللھم إني أسألک بأني أشھد أنک أنت اللّٰہ ،لا إلہ إلا أنت الأحد الصمد الذي لم یلد ولم یولد،ولم یکن لہ کفواً أحد۔‘‘ اے اللہ !میں تجھ سے اس وسیلہ سے سوال کرتا ہوں کہ میں شہادت دیتا ہوں کہ توہی اللہ ہے ،تیرے سوا کوئی معبود نہیں ،تو تنہا اور بے نیاز ہے جس نے نہ تو کسی کو جنا ہے اور نہ ہی جنا گیا ہے،اور نہ ہی کوئی اس کا ہمسر اور مقابل ہے۔ راوی کہتے ہیں کہ(یہ سن کر)رسول اللہ صلی اللہ علیہ وسلم نے فرمایا: ’’والذي نفسي بیدہ لقد سأل اللّٰہ باسمہ الأعظم الذي إذا دعي بہ أجاب،وإذا سئل بہ أعطی‘‘[2]

[1] مسلم ۲/۶۳۲،حدیث نمبر:(۹۱۸)۔ [2] ترمذي ۵/۵۱۵،وابوداؤد ۲/۷۹،واحمد ۵/۳۶۰،وابن ماجہ ۲/۱۲۶۷،وحاکم ۱/۵۰۴،شیخ البانی رحمہ اللہ نے اسے صحیح الترمذي(۳/۱۶۳)میں صحیح قرار دیا ہے۔