دعا کے آداب و شرائط کتاب وسنت کی روشنی میں

ویوم الوشاح من تعاجیب ربنا ألا إنہ من بلدۃ الکفر أنجاني ترجمہ:اور کمر بند کا دن ہمارے رب کے عجائب میں سے ہے،سنو!اسی نے مجھے کفرستان سے نجات دلائی ہے۔ عائشہ فرماتی ہیں کہ: میں نے اس لونڈی سے کہا : تیراکیا معاملہ ہے کہ جب بھی تو میرے پاس آکر بیٹھتی ہے یہ شعر ضرور پڑھتی ہے؟ فرماتی ہیں کہ اس پر اس لونڈی نے مجھے یہ ساری کہانی کہہ سنائی ۔[1] یہ اس کے اسلام لانے کا سبب تھا،چنانچہ بسا اوقات بعض ضرر رساں چیزیں بھی مفید ہوتی ہیں ۔ ۱۲- اللہ کا ذکر کرکے پاک حالت میں رات گزارنے والے کی دعاء: حضرت معاذ بن جبل رضی اللہ عنہ سے روایت ہے،وہ نبی کریم صلی اللہ علیہ وسلم سے روایت کرتے ہیں کہ آپ نے فرمایا: ’’ما من مسلم یبیت علی ذکر اللّٰہ طاھراً فیتعار من اللیل فیسأل اللّٰہ خیراً من الدنیا والآخرۃ إلا أعطاہ اللّٰہ إیاہ‘‘[2]

[1] بخاری ،حدیث نمبر:(۴۳۹،و ۳۸۳۵)۔ [2] ابو داؤد ،حدیث نمبر:(۵۰۴۲)،واحمد ۴/۱۱۴،اور شیخ البانی رحمہ اللہ نے اسے صحیح ابوداؤد(۳/۹۵۱)اور صحیح الترغیب والترھیب(۱/۲۴۵)میں صحیح قرار دیا ہے۔