دعوت دین کس چیز کی طرف دی جائے

آنحضرت صلی اللہ علیہ وسلم نے دریافت کیا: ’’ أَتَدْرُوْنَ مَا الْإِیْمَانُ بِاللّٰہِ وَحْدَہُ؟ ‘‘ ’’ کیا تم جانتے ہو،کہ ایک اللہ تعالیٰ کے ساتھ ایمان کیا ہے؟ ‘‘ انہوں نے عرض کیا: ’’ اللّٰہُ وَرَسُوْلُہُ أَعَلَمُ۔‘‘ ’’ اللہ تعالیٰ اور ان کے رسول صلی اللہ علیہ وسلم زیادہ جانتے ہیں۔‘‘ آپ صلی اللہ علیہ وسلم نے فرمایا: ’’ شَھَادَۃُ أَنْ لَا إِلٰہَ اِلاَّ اللّٰہُ وَأَنَّ مُحَمَّدًا صلي اللّٰهُ عليه وسلم رَسُوْلُ اللّٰہِ،وَإِقَامُ الصَّلَاۃِ وَإِیْتَائُ الزَّکَاۃِ،وَصِیَامُ رَمَضَانَ،وَأَنْ تُعْطُوْا مِنَ الْمَغْنَمِ الْخُمْسَ۔‘‘ وَنَھَاھُمْ عَنْ أَرْبَعٍ۔… الحدیث [1] ’’ اس بات کی گواہی دینا کہ اللہ تعالیٰ کے سوا کوئی معبود نہیں اور بلاشبہ محمد۔صلی اللہ علیہ وسلم۔اللہ تعالیٰ کے رسول ہیں اور نماز کا قائم کرنا،زکوٰۃ ادا کرنا،رمضان کے روزے اور یہ کہ تم غنیمت کا پانچواں حصہ [2] دو۔‘‘ اور انہیں چار [چیزوں] سے منع فرمایا…الخ ‘ ‘ اس حدیث شریف سے یہ بات واضح ہے،کہ نبی کریم صلی اللہ علیہ وسلم نے قبیلہ عبدالقیس کی تعلیم کا آغاز توحید و رسالت کی گواہی دینے کے حکم کے ساتھ فرمایا۔

[1] متفق علیہ:صحیح البخاري،کتاب الإیمان،باب أداء الخمس من الإیمان،جزء من رقم الحدیث:۵۳،۱؍۱۲۹؛ وصحیح مسلم،کتاب الإیمان،باب الأمر بالإیمان باللّٰہ تعالیٰ ورسولہ ﷺ وشرائع الدین،…،جزء من رقم الحدیث ۲۳۔(۱۷،۱؍۴۶۔ [2] اس سے مراد یہ ہے،کہ دورانِ جہاد کافروں کا جو مال تمہیں حاصل ہو،اس کا پانچواں حصہ بیت المال کے لیے حاکم وقت کو دو۔