دعوت دین کس چیز کی طرف دی جائے

’’شاید کہ ان کے تر رہنے تک ان کے عذاب میں کمی کر دی جائے۔‘‘ امام بخاری نے اس حدیث پر درج ذیل عنوان تحریرکیا ہے: [بَابُ مِنَ الْکَبَائِرِ أَنْ لَا یَسْتَتِرَ مِنَ الْبَوْلِ] [1] [اس بارے میں باب،کہ پیشاب [کے چھینٹوں] سے نہ بچنا کبیرہ گناہوں میں سے ہے۔] ایک دوسرے مقام پر انہوں نے درج ذیل عنوان لکھا ہے: [بَابُ النَّمِیْمَۃُ مِنَ الْکَبَائِرِ۔] [2] [اس بارے میں باب،کہ چغل خوری کبیرہ گناہوں میں سے ہے۔] تنبیہ: بعض محدثین نے الفاظِ حدیث [کَانَ أَحَدُھُمَا لَا یَسْتَتِرُ مِنَ الْبَوْلِ] کا ایک دوسرا معنی بھی بیان کیا ہے،کہ وہ پیشاب کرتے ہوئے[ لوگوں سے] ستر پوشی نہ کیا کرتا تھا۔[3] واللہ تعالیٰ أعلم۔ ل:آخری زمانے میں بُرائی پر ٹوکنا: امام احمد نے عبدالرحمن بن حضرمی سے روایت کی ہے،کہ انہوں نے بیان کیا:’’مجھے اس شخص نے بتلایا،جس نے نبی صلی اللہ علیہ وسلم کو فرماتے ہوئے سنا: ’’إِنَّ مِنْ أُمَّتِيْ أَقْوَامًا یُعْطَوْنَ مِثْلَ أُجُوْرِ أَوَّلِھِمْ،یُنْکِرُوْنَ الْمُنْکَرَ۔‘‘ [4]

[1] صحیح البخاري،کتاب الوضوء،۱؍۳۱۷۔ [2] المرجع السابق،کتاب الأدب،۱۰؍۴۷۲۔ [3] ملاحظہ ہو:فتح الباري ۱؍۳۱۸۔ [4] المسند،رقم الحدیث ۲۳۱۸۱،۳۸؍۴۱۔شیخ البانی نے اس کی [اسناد کو جید] اور اس کے راویوں کو صحیح کے راویان] کہا ہے۔شیخ ارناؤوط اور ان کے رفقاء نے اس کو [حسن لغیرہ] قرار دیا ہے۔(ملاحظہ ہو:سلسلۃ الأحادیث الصحیحۃ،رقم الحدیث۱۷۰۰،۴؍۲۷۵ ؛ وھامش المسند ۳۸؍ ۲۴۱)۔