دعوۃ الی اللہ اور داعی کے اوصاف

حَلَالٍ فَاَحِلُّوْہُ وَمَا وَجَدْتُّمْ فِیْہِ مِنْ حَرَامٍ فَحَرِّمُوْہُ)) [1] خبردار مجھے کتاب(قرآنِ پاک) اور اس کی مثل(حدیث وسنّت) دی گئی ہے۔خبردار! قریب ہے کہ ایک شکم سیر آدمی آراستہ پاراستہ تخت پر بیٹھا کہے گا:تم اس قرآن کو مضبوطی سے پکڑے رکھو۔اس میں جو چیز حلال ہے اسے حلال جانو اور جو چیز حرام ہے اسے حرام سمجھو۔‘‘ امام ابوداؤد اور ابن ماجہ نے صحیح سند کے ساتھ روایت نقل کی ہے،حضرت ابن ابی رافع رضی اللہ عنہ اپنے باپ اور وہ نبی اکرم صلی اللہ علیہ وسلم سے بیان کرتے ہیں کہ آپ صلی اللہ علیہ وسلم نے فرمایا: ((لَااَلْفَیَنَّ اَحَدُکُمْ مُتَّکِئًا عَلٰی اَرِیْکَتِہٖ یَاْتِیْہِ الْاَمْرُ مِنْ اَمْرِیْ مِمَّا اَمَرْتُ بِہٖ اَوْنَھَیْتُ عَنْہُ فَیَقُوْلُ لَانَدْرِیْ مَاوَجَدْنَا فِیْ کِتَابِ اللّٰهِ اِتَّبَعْنَاہُ)) [2]

[1] مسند احمد،ابوداؤد،مستدرک حاکم فتنۂ انکارِ حدیث:یہ اور اس سے اگلی حدیث میں وارد بات نبی اکرم صلی اللہ علیہ وسلم کی پیش گوئیوں میں سے ایک پیش گوئی ہے۔زبانِ رسالت مآب صلی اللہ علیہ وسلم سے نکلی ہوئی یہ بات ماضی قریب(چودھویں صدی)کے جس شخص پر مِن وعَن پوری اتری وہ برِّصغیر میں فتنہ ٔ انکارِ حدیث کا محرِّکِ اوّل اور ماہنامہ طلوع ِاسلام(لاہور)والے پرویز احمد کا روحانیِ پدر عبداللہ چکڑالوی ہے۔معروف ہے کہ اس نے عین اسی ہیئتِ کذائی میں نبی صلی اللہ علیہ وسلم کی حدیث کا انکار کیا تھا اور مرنے تک مسلمانوں کو سنّتِ رسول صلی اللہ علیہ وسلم سے دور ہٹانے میں کوشاں رہا۔اسکے بعد اسکی روحانی اولاد(منکرینِ حدیث) اس ’’کا رِخیر‘‘ میں اپنی ایڑی چوٹی کا زور اور توانائیں صرف کررہے ہیں جنکی زمام پرویز احمد کے ہاتھ میں رہی ہے اور جنکا آرگن وترجمان ماہنامہ’’ طلوع ِاسلام ‘‘ہے۔مسلمانوں کو انکی فسوں کاری اور فتنہ پرداری سے بچ کے رہنا چاہییٔ۔یاد رہے کہ کچھ عرصہ پہلے یہ پرویز احمد اس دنیا سے سدھار گیا ہے۔اب انکے چیلے چانٹے سَرگرم ِ عمل ہیں۔کویت میں انکی کافی تعداد اور سرگرمیاں تیز ہوگئی تھیں۔بالآخر حال ہی میں کویت کے دارالافتاء نے انکے لٹریچر سے انکے عقائد کے پیش نظراس گروہ کو کافر قرار دیا ہے۔(مترجم) [2] ابوداؤد،ترمذی،ابن ماجہ،ابن حبان،مسنداحمد،مستدرک حاکم۔صحیح الجامع ۲/۱۲۴۰،مشکوٰۃ:۱۶۲