دعوت دین کے بنیادی اصول

بل لیٹا ہوا تھا تو اچانک ایک صاحب نے مجھے اپنے پاؤں سے حرکت دی اور کہا: ((إِنَّ ہٰذِہٖ ضِجْعَۃٌ یُبْغِضُہَا اللّٰہُ)) [1] ’’یقینا اس انداز میں لیٹنے کو اللہ تعالیٰ ناپسند فرماتا ہے۔‘‘ میں نے دیکھا تو وہ رسول اللہ صلی اللہ علیہ وسلم تھے۔ 30… بیدار ہونے کے بعد ہاتھ دھوئیں سیدنا ابوہریرہ رضی اللہ عنہ بیان کرتے ہیں کہ نبی صلی اللہ علیہ وسلم نے فرمایا: ((إِذَا اسْتَیْقَظَ أَحَدُکُمْ مِنْ نَوْمِہٖ فَلْیَغْسِلْ یَدَہٗ قَبْلَ أَنْ یُدْخِلَہَا فِی وَضُوئِہٖ، فَإِنَّ أَحَدَکُمْ لاَ یَدْرِی أَیْنَ بَاتَتْ یَدُہٗ))[2] ’’جب تم میں سے کوئی شخص اپنی نیند سے بیدار ہو تو اس کو چاہیے کہ اپنا ہاتھ وضوء کے پانی والے برتن میں داخل کرنے سے پہلے دھو لے، کیونکہ بلاشبہ تم میں سے کوئی نہیں جانتا کہ اس کے ہاتھ نے رات کہاں گزاری۔‘‘ 31… تین بار ناک صاف کریں سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا: ((إِذَا اسْتَیْقَظَ أَحَدُکُمْ مِنْ مَنَامِہٖ فَتَوَضَّأَ فَلْیَسْتَنْثِرْ ثَلاَثًا، فَإِنَّ الشَّیْطَانَ یَبِیتُ عَلٰی خَیْشُومِہٖ))[3] ’’جب تم میں سے کوئی شخص اپنی نیند سے بیدار ہو اور وہ وضوء کرے تو اس چاہیے کہ تین مرتبہ ناک (میں پانی چڑھا کر) جھاڑے، کیونکہ بلاشبہ شیطان اس کی ناک کے بانسے میں رات گزارتا ہے۔‘‘

[1] سنن أبی داود: ۵۰۴۰۔ سنن الترمذی: ۲۷۶۹۔ سنن ابن ماجہ: ۳۷۲۲۔ صحیح الجامع: ۲۷۷۱. [2] صحیح البخاری: ۱۶۲۔ صحیح مسلم: ۲۷۸. [3] صحیح البخاری: ۳۲۹۵۔ صحیح مسلم: ۲۳۸.