دعوت دین کے بنیادی اصول

9… سونے کا مسنون انداز ٭…سیدہ حفصہ رضی اللہ عنہا فرماتی ہیں کہ: أَنَّ رَسُولَ اللّٰہِ صلي اللّٰه عليه وسلم کَانَ إِذَا أَخَذَ مَضْجَعَہٗ جَعَلَ یَدَہُ الْیُمْنٰی تَحْتَ خَدِّہِ الْأَیمَنِ۔[1] ’’رسول اللہ صلی اللہ علیہ وسلم جب اپنے بستر پر لیٹتے تھے تو اپنا دایاں ہاتھ اپنے دائیں رخسار کے نیچے رکھ لیتے تھے۔‘‘ ٭…سیدنا ابوقتادہ رضی اللہ عنہ بیان کرتے ہیں کہ: أَنَّ رَسُولَ اللّٰہِ صلي اللّٰه عليه وسلم کَانَ إِذَا عَرَّسَ بِلَیْلٍ اضْطَجَعَ عَلٰی یَمِینِہٖ، وَإِذَا عَرَّسَ قُبَیْلَ الصُّبْحِ نَصَبَ ذِرَاعَیْہِ، وَوَضَعَ رَأْسَہٗ بَیْنَ کَفَّیْہِ۔[2] ’’رسول اللہ صلی اللہ علیہ وسلم جب رات کے وقت سواری سے اُتر کر آرام کرتے تھے تو اپنی دائیں کروٹ پر لیٹتے اور جب صبح ہونے سے کچھ ہی دیر پہلے (یعنی رات کے آخری پہر) آرام کے لیے سواری سے اُترتے تو اپنے دونوں بازُو کھڑے رکھتے اور اپنا سر مبارک اپنی دونوں ہتھیلیوں میں رکھ کر آرام کرتے۔‘‘ ٭…سیدہ عائشہ رضی اللہ عنہا فرماتی ہیں کہ: کَانَ رَسُولُ اللّٰہِ صلي اللّٰه عليه وسلم إِذَا أَرَادَ أَنْ یَنَامَ وَہُوَ جُنُبٌ، تَوَضَّأَ وُضُوئَہُ لِلصَّلَاۃِ، وَإِذَا أَرَادَ أَنْ یَأْکُلَ وَیَشْرَبَ یَغْسِلُ یَدَیْہِ، ثُمَّ یَأْکُلُ وَیَشْرَبُ۔[3]

[1] صحیح الجامع: ۴۶۴۷. [2] مسند أحمد: ۲۲۶۳۲۔ صحیح ابن خزیمۃ: ۲۵۵۸۔ المستدرک للحاکم: ۱۶۳۱. [3] مسند أحمد: ۲۴۸۷۲۔ السنن الکبرٰی للبیھقی: ۹۸۱۔ صحیح الجامع: ۲۶۵۹۔ سلسلۃ الأحادیث الصحیحۃ: ۲۸۹.