دعوت دین کے بنیادی اصول

مِنِّیْ بِالْأَمْسِ، قَالَ: فَانْطَلَقْتُ وَأَنَا مُتَخَوِّفٌ، فَقَالَ لِیْ رَسُوْلُ اللّٰہِ صلي اللّٰه عليه وسلم : ((إِنَّکَ وَطَئْتَ بِنَعْلِکَ عَلٰی رِجْلِیْ بِالْأَمْسِ فَأَوْجَعْتَنِیْ فَنَفَحْتُکَ بَالسَّوْطِ فَہٰذِہٖ ثَمَانُوْنَ نَعْجَۃً فَخُذْہَا بِہَا)) [1] ’’ غزوہ حنین کے دن میرے پاؤں میں کھردری جوتی تھی۔ بھیڑ کی وجہ سے میں نے آپ صلی اللہ علیہ وسلم کا پاؤں روند دیا۔ چنانچہ آپ نے مجھے اپنے کوڑے سے پیچھے کیا اور فرمانے لگے: بِسْمِ اللّٰہِ تو نے مجھے تکلیف دی ہے۔ راوی کہتے ہیں کہ میں نے رات ملامت کی حالت میں گذاری، میں دل میں کہہ رہا تھا کہ میں نے رسول اللہ صلی اللہ علیہ وسلم کو تکلیف دی ہے۔ اللہ ہی جانتا ہے کہ میں نے کیسے رات گذاری۔ جب ہم نے صبح کی تو ایک آدمی آواز دے رہا تھا کہ فلاں آدمی کہاں ہے؟ تو میں سمجھ گیا کہ اللہ کی قسم! یہ جو میں نے کل رسول اللہ صلی اللہ علیہ وسلم کو تکلیف دی ہے، اسی وجہ سے مجھے بلایا جا رہا ہے۔ چنانچہ میں (آپ کی خدمت میں حاضر ہونے کے لیے) چل پڑا، اور میں ڈر رہا تھا۔ لیکن رسول اللہ صلی اللہ علیہ وسلم نے مجھ سے فرمایا: کل تو نے میرے پاؤں کو اپنی جوتی کے ساتھ روندا تھا اور میں نے تمہیں اپنے کوڑے کے ساتھ پیچھے کیا تھا، یہ اَسّی (۸۰) دُنبیاں ہیں، یہ اس کے بدلے میں لے لو۔‘‘ ٭…سیدنا عبداللہ بن مسعود رضی اللہ عنہ بیان کرتے ہیں کہ: کَأَنِّیْ أَنْظُرُ إِلٰی رَسُوْلِ اللّٰہِ یَحْکِیْ نَبِیًّا مِنَ الْأَنْبِیَائِ، ضَرَبَہٗ قَوْمُہٗ فَأَدْمَوْہُ، فَہُوَ یَمْسَحُ الدَّمَ عَنْ وَجْہِہٖ وَیَقُوْلُ: ((رَبِّ اغْفِرْ لِقَوْمِیْ فَإِنَّہُمْ لَا یَعْلَمُوْنَ)) [2] ’’میں گویا (چشمِ تصور سے) رسول اللہ صلی اللہ علیہ وسلم کو دیکھ رہا ہوں کہ آپ ایک نبی کا

[1] سلسلۃ الأحادیث الصحیحۃ: ۳۰۴۳. [2] صحیح البخاری: ۶۹۲۹۔ صحیح مسلم: ۱۷۹۲.