دعوت دین کے بنیادی اصول

فرمانِ باری تعالیٰ ہے: ﴿ قُلْ أَبِاللّٰهِ وَآيَاتِهِ وَرَسُولِهِ كُنْتُمْ تَسْتَهْزِئُونَ (65) لَا تَعْتَذِرُوا قَدْ كَفَرْتُمْ بَعْدَ إِيمَانِكُمْ ﴾ [التوبۃ: ۶۵، ۶۶] ’’کہہ دیجیے کہ کیا تم اللہ تعالیٰ، اس کی آیات اور اس کے رسولوں کے ساتھ مذاق کرتے ہو؟ اب تم معذرت نہ کرو، یقینا تم اپنے ایمان کے بعد کفر کا ارتکاب کر چکے ہو۔‘‘ 7: اَلسِّحْرُ ’’جادو کرنا اور کروانا۔‘‘ اللہ تعالیٰ نے جب سلیمان علیہ السلام کی بادشاہت میں لوگوں کی آزمائش کے لیے ہاروت اور ماروت کو بھیجا، جو بظاہر انہیں جادو سکھانے کے لیے آئے تھے لیکن حقیقت میں ان کی آزمائش تھے کہ بھلا یہ لوگ اللہ کے منع کردہ کام، یعنی جادُو کو سیکھنے سے باز رہتے ہیں یا نہیں؟ تو جب بھی ان سے کوئی جادُو سیکھنے آتا تھا تو وہ اسے کہتے: ﴿إِنَّمَا نَحْنُ فِتْنَةٌ فَلَا تَكْفُرْ ﴾ [البقرۃ: ۱۰۲] ’’ہم تو صرف آزمائش ہیں، لہٰذا تو کفر مت کر۔‘‘ معلوم ہوا کہ جادو کفر ہے اور اس سے بندہ دائرہ اسلام سے خارج ہو جاتا ہے۔ 8: مُظَاہَرَۃُ الْمُشْرِکِیْنَ وَمُعَاوَنَتُہُمْ عَلَی الْمُسْلِمِیْنَ ’’مشرکین کو غلبہ دلانا اور مسلمانوں کے خلاف ان کی مدد کرنا۔‘‘ فرمانِ باری تعالیٰ ہے: ﴿وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللّٰهَ لَا يَهْدِي الْقَوْمَ الظَّالِمِينَ ﴾ [المائدۃ: ۵۱] ’’اور جو شخص ان (مشرکوں) سے دوستی کرے گا وہ ان ہی میں سے ہو جائے گا، یقینا اللہ تعالیٰ ظالم لوگوں کو ہدایت نہیں دیتا۔‘‘