دعوت دین کے بنیادی اصول

بَیْنَہَا وَبَیْنَ رَبِّہَا)) [1] ’’جس بھی عورت نے اپنے خاوند کے گھر کے علاوہ (کسی اور جگہ) میں اپنے کپڑے اتارے، تو اس نے وہ پردہ چاک کر دیا جو اس کے اور اس کے رب کے درمیان حائل تھا۔‘‘ شریعتِ اسلامیہ نے عورت کی عفت و عصمت کو محفوظ رکھنے کے لیے اس قدر احتیاط برتی ہے کہ اپنے گھر کے علاوہ دوسرے کسی مقام پر لباس اتارنے سے بھی منع فرمایا ہے، حتیٰ کہ نماز کے لیے بھی یہ حکم صادر فرمایا کہ اپنے گھر کے جس قدر اندرونی حصے میں پڑھے گی اتنا ہی زیادہ اس کے لیے بہتر ہے۔ سیدہ اُمیمہ رضی اللہ عنہا سے مروی ہے کہ رسول اللہ صلی اللہ علیہ وسلم نے فرمایا: ((إِنِّی لَا أُصَافِحُ النِّسَاءَ)) [2] ’’یقینا میں عورتوں سے مصافحہ نہیں کرتا۔‘‘ سیدہ عقیلہ بنت عبید رضی اللہ عنہا سے مروی ہے کہ رسول اللہ صلی اللہ علیہ وسلم نے فرمایا: ((إِنِّی لَا أَمَسُّ أَیدِی النِّسَاءَ)) [3] ’’بلاشبہ میں عورتوں کے ہاتھوں کو نہیں چھوتا۔‘‘ سیدہ عائشہ رضی اللہ عنہا بیان کرتی ہیں کہ: مَا مَسَّتْ یَدُ رَسُولِ اللّٰہِ صلي اللّٰه عليه وسلم یَدَ امْرَأَۃٍ قَطُّ۔[4] ’’رسول اللہ صلی اللہ علیہ وسلم کے ہاتھ مبارک نے کبھی کسی عورت کا ہاتھ نہیں چھوا۔‘‘ سیدنا معقل بن یسار رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا:

[1] مسند أحمد: ۲۴۱۴۰۔المستدرک للحاکم: ۷۷۸۲۔ صحیح الجامع: ۲۷۰۸. [2] صحیح الجامع: ۲۵۱۳۔ سلسلۃ الأحادیث الصحیحۃ: ۵۲۹. [3] صحیح الجامع: ۷۷۷۱۔ سلسلۃ الأحادیث الصحیحۃ: ۷۰۵۴. [4] صحیح البخاری: ۷۲۱۴۔ صحیح مسلم: ۴۸۱۱.