دبستان نذیریہ

میں چند رسائل ہیں جن کو شاملِ طباعت کیا گیا ہے۔ قاضی یوسف حسین خان پوری نے تقریظ بھی لکھی ہے جس میں مولانا کے جذبۂ خدمتِ دین کی تعریف و توصیف کی ہے۔ ٭ ’’مجمع الزوائد‘‘: علامہ ابو الحسن علی بن ابی بکر نور الدین الہیثمی (م ۸۰۷ھ) کی ’’مجمع الزوائد و منبع الفوائد‘‘ علمِ حدیث کی اہم کتابوں میں سے ایک ہے۔ اس کی اولین طباعت بھی مولانا تلطف حسین کی کوششوں سے مطبع انصاری دہلی سے ۱۳۰۸ھ میں ہوئی۔ ٭ ’’ایک مبارک مجموعہ‘‘: ۱۳۰۶ھ میں مولانا تلطف حسین کے اہتمام سے نادر علمی کتابوں کا ایک مبارک مجموعہ مطبع انصاری سے طبع ہوا، جس میں علی الترتیب حسبِ ذیل کتابیں شامل تھیں : 1 إعلام أھل العصر بأحکام رکعتي الفجر، للإمام المحدث شمس الحق العظیم آبادي (ص: ۱تا ۶۸) 2 خلق أفعال العباد، لإمام المحدثین محمد بن إسمٰعیل البخاري (ص: ۶۹ تا ۹۶) 3 کتاب العلو للعلی الغفار، للإمام المحدث شمس الدین الذھبي ( ص: ۹۷ تا ۱۵۴) 4 القول المحقق، للمحدث شمس الحق العظیم آبادي ( ص: ۱ تا ۶) آخری کتاب فارسی میں ہے جس میں جانوروں کو خصی کرنے سے متعلق سیر حاصل بحث کی گئی ہے۔ امام بخاری کی ’’خلق افعال العباد‘‘ اور امام ذہبی کی ’’کتاب العلو‘‘ کی یہ اوّلین طباعت تھی جو عمل میں آئی۔ اس کے مخطوطات مولانا کو علامہ شمس الحق اور مولانا عبد الجبار غزنوی سے حاصل ہوئے۔ قیمتی کتابوں کا یہ مبارک مجموعہ مولانا تلطف حسین اور مولانا شمس الحق کے صرفِ زر سے طبع ہوا۔ ٭ ’’کتاب التوحید‘‘ کی اوّلین ہندوستانی طباعت: شیخ الاسلام محمد بن عبد الوہاب کی مشہورِ زمانہ تصنیف ’’کتاب التوحید‘‘ کی اوّلین ہندوستانی طباعت اور وہ بھی اردو ترجمہ کے ساتھ مولانا تلطف حسین کے حسنات میں سے ہے۔ اس کتاب کی طباعت کی طرف مولانا کی توجہ کس طرح منعطف ہوئی، اس کی داستان بھی بڑی دل چسپ ہے۔ اس کا پسِ منظر کچھ اس طرح ہے کہ بدایوں کے ایک بدعتی عالم نے عربی میں ایک کتاب تحریر کی اور مشہور کیا کہ یہ شیخ محمد بن عبد الوہاب کی ’’کتاب التوحید‘‘ ہے۔ موصوف نے صرف اسی پر اکتفا نہیں کیا، بلکہ علمائے حرمین