چہرے اور ہاتھوں کا پردہ

تیسرا شبہ بعض لوگوں کاخیال ہے کہ سورۃ الاحزاب کی آیت[يُدْنِيْنَ عَلَيْہِنَّ مِنْ جَلَابِيْبِہِنَّ۝۰ۭ ]میں جو اوڑھنیاں لٹکائے رکھنے کاحکم ہے ،یہ چہرہ ڈھانپنے کومستلزم نہیں ہے، لغت میں اس معنی کی کوئی تائید نہیں ملتی۔ جواب:اوڑھنی لٹکائے رکھنے کی صورت یہی ہے کہ اسے پیشانی پر باندھا جائے؛ تاکہ وہ پہلے سرکی چوٹی اوربھنووں کیلئے ساتر بن جائے،پھر اسے اس طرح لٹکایاجائے کہ وہ پورے جسم کو ڈھانپتی ہوئی قدموں تک پہنچ جائے اور انہیں بھی ڈھانپ لے،اللہ تعالیٰ کے فرمان :[يُدْنِيْنَ عَلَيْہِنَّ مِنْ جَلَابِيْبِہِنَّ۝۰ۭ ]کی تفسیر میں بہت سے صحابہ اور تابعین سے قولاًوعملاً،چہرے کا ڈھانپنا ہی منقول ہے ،جلابیب کی تفسیر میں عنقریب یہ نکتہ آئے گا۔ جہابذہ علماء ومفسرین،جنہیں لغت میں بڑی مہارت واتقان حاصل ہے،جلابیب لٹکانے کی یہی تفسیر کرتے ہیں کہ عورتیں اپنی اوڑھنیوںکے ساتھ،اپنے پورے چہروں کو ڈھانپ لیں،اور ایک آنکھ جس سے دیکھنا ممکن ہو،کے علاوہ چہرہ کا کوئی حصہ ظاہر نہ کریں۔ (شیخ ابن عثیمین رحمہ اللہ فرماتے ہیں :ایک آنکھ کو ظاہرکرنے کی رخصت راستہ دیکھنے کی خاطر ہے ،اوراگر یہ ضرورت نہ ہو تو اس آنکھ کوظاہرکرنا بھی درست نہیں ہے۔) علامہ نسفی رحمہ اللہ فرماتے ہیں:جب کسی عورت کاکپڑا چہرے سے سَرک جائے تو اس سے کہاجاتا ہے :أدنی ثوبک علی وجھک.یعنی:اپنا کپڑا اپنے چہرے پر ڈال لے۔ (نسفی کا یہ قول[يُدْنِيْنَ عَلَيْہِنَّ مِنْ جَلَابِيْبِہِنَّ۝۰ۭ ]کی تفسیر ہے۔)[1]

[1] روضۃ المحبین لابن قیم ص : ۲۰۲ [2] روضۃ المحبین لابن قیم ص : ۹۷ [3] مغنی المحتاج [4] نیل الأوطار للشوکانی:۶/۶۰۳-۶۰۴