چند بدعات اور ان کا تعارف

بدعات اور ان کا تعارف میں کوشش کروں گا کہ اس مختصر سی کتاب میں زیادہ سے زیادہ بدعات کا تعارف اپنے مسلمان بھائیوں کے سامنے پیش کردوں تاکہ ان بدعات سے اچھی طرح واقف ہو جانے کے بعد وہ بھی ان کو ترک کردیں اور وہ عقیدہ اختیار کرلیں جس کی تعلیم رسول برحق صلی اللہ علیہ وسلم نے دی اور جس پر عمل پیرا ہونے کا حکم معبودِبرحق نے ان کلمات کی صورت میں دیا: {وَمَآ اٰتٰکُمُ الرَّسُوْلُ فَخُذُوْہُ وَمَا نَھٰکُمْ عَنْہُ فَانْتَھُوْا} (سورۃ الحشر: ۷ ) ’’جو کچھ تمہیں رسول دے رہے ہیں وہ لے لو اور جس چیز سے روک رہے ہیں اس سے رُک جائو‘‘۔ اس مختصر تمہید کے بعد میں حسبِ توفیقِ الٰہی وہ بدعات لکھتا ہوں جن کے ترک کردینے سے ہی اسلام کی وہ اصلی شکل بحال ہوسکے گی جو عہدِ رسالت و دور صحابہ رضی اللہ عنہم اور زمانۂ تابعین رحمۃ اللہ علیہم میں تھی۔ (۱) تقلیدشخصی: یہ بات تواتر کی حد تک مشہور ہے کہ چار امام برحق ہیں اور ان کی تقلید کرنا واجب ہے اور وہ چار امام یہ ہیں : ۱۔ حضرت امام ابوحنیفہ رحمۃ اللہ علیہ ۲۔ حضرت امام مالک بن انس رحمۃ اللہ علیہ ۳۔ حضرت امام محمد بن ادریس شافعی رحمۃ اللہ علیہ ۴۔ حضرت امام احمد بن حنبل ر رحمۃ اللہ علیہ ان چاروں بزرگوں کا مقام و مرتبہ بہت بلند ہے۔ اسلام کیلئے ان کی علمی و دینی خدمات کا کوئی انکار نہیں کرسکتا۔ دیگر تمام بزرگوں کی طرح ان چاروں حضرات کا احترام کرنا