چند بدعات اور ان کا تعارف

کے لیئے جو افعال حق تعالیٰ نے استعمال فرمائے ہیں ان میں ماضی کا صیغہ سبّح اور صیغہ مضارع یسبّح دونوں شامل ہیں اس سے معلوم ہوتا ہے کہ حق تعالیٰ کی پاکی بیان کرنے کا فعل نہ صرف ماضی میں ہوا بلکہ حال میں بھی ہورہا ہے اور مستقبل میں بھی ہوتا رہے گا اور اس کی کوئی تعداد معین نہیں ہے نہ ہی ادائیگیٔ تسبیح کی کوئی کیفیت قرآن بتاتا ہے اور نہ ہی احادیث سے یہ ثبوت ملتا ہے کہ اعداد کے لیئے رسولُ اﷲ صلی اللہ علیہ وسلم نے موتیوں کی لڑی کا سہارا لیا ہو اور اسے تسبیح کا آلہ بنایا ہو احادیث میں یہ تو موجود ہے کہ آپ صلی اللہ علیہ وسلم نے لوگوں کو برائے تحمیدِ الٰہی و تکبیر الٰہی ایک تعداد مخصوصہ بتائی لیکن یہ بات احادیث سے ثابت نہیں ہے کہ صحابۂ کرام رضی اللہ عنہم نے ان تسبیحات کی ادائیگی کے لیئے موتیوں کی لڑیاں ہاتھوں میں تسبیح بنا کر اٹھائی ہوں اور ان کی مدد سے اپنے رب کی حمدوثناء کی ہو۔ سوال یہ ہے کہ انہوں نے تعداد شمار کرنے کے لیئے کس چیر کا سہارا لیا؟ جواباََ عرض ہے احادیثِ کثیرہ اس پر دلیل ہیں کہ صحابۂ کرام رضی اللہ عنہم انگلیوں پر تسبیحات کا شمار کیا کرتے تھے باوجودیکہ اس دور میں موتیوں کے ہار ملتے تھے مگر کسی بھی صحابی رضی اللہ عنہ نے ہار یا موتیوں کی لڑی کو برائے تسبیح استعمال نہیں کیا کیونکہ یہ اﷲکے رسول صلی اللہ علیہ وسلم کی سنتِ مبارکہ نہیں۔[1]ویسے بھی ہاتھ میں موتیوں کی لڑی لے کر تسبیح پڑھنے میں ریاکاری زیادہ غالب ہوتی ہے اسی لیئے صحابہ کرام رضی اللہ عنہم نے اس بدعت سے دوری اختیار کی۔ ہمیں بھی چاہیئے کہ اپنے نبی صلی اللہ علیہ وسلم اور آپ صلی اللہ علیہ وسلم کے صحابہ رضی اللہ عنہم کی طرح تسبیحٔ انگلیوں پر شمار کیا کریں، مروجہ موتیوں اور قیمتی پتھروں کی تسبیحات ترک کردیں کیونکہ یہ بدعت ہے۔[2]

[1] سنّتِ رسول صلی اللہ علیہ وسلم یہ ہے کہ ہاتھوں کی انگلیوں اور خاص دائیں ہاتھ کی انگلیوں پر تسبیح کی جائے کیونکہ ابوداؤد کی ایک صحیح حدیث میں ہے:(( یَعْقِدُ التَّسْبِیْحَ بِیَمِیْنِہٖ)) ’’آپ صلی اللہ علیہ وسلم اپنے دائیں ہاتھ (کی انگلیوں ) پر تسبیح کیا کرتے تھے۔‘‘(دیکھییٔ:الکلم الطیّب ابن تیمیہ بتحقیق البانی ومسنون ذکرِ الٰہی[دعائیں ]ازابوعدنان) [2] ان تسبیح کی لڑیوں اور منکوں کے موجد مسلمان نہیں بلکہ یہودوہنود اور انکے پیشوا لوگ ہیں ۔