برھان التفاسیر لإصلاح سلطان التفاسیر

برہان: یہ ترجمہ عربی علم ادب اور قرآنی محاورے کے خلاف ہے۔ ایسے موقع پر مثل کا لفظ تحسین کلام کے لیے ہوتا ہے۔ عرب کا مشہور شاعر امرؤ القیس کہتا ہے إلی مثلھا یرنو الحلیم صبابۃ إذا ما اسبکرت بین درع ومجول[1] قرآن مجیدمیں بھی یہی محاورہ ہے۔ غور سے سنیے! {لَیْسَ کَمِثْلِہٖ شَیْئٌ وَھُوَ السَّمِیْعُ الْبَصِیْرُ} [الشوریٰ: 11] خدا کی مثل جیسا یعنی خدا جیسا کوئی نہیں۔ پس معاصر موصوف کا ترجمہ عربی علم ادب بلکہ خود قرآن مجید کے خلاف ہے۔ اطلاع: چونکہ پادری سلطان محمد خان صاحب کی طرف سے تفسیر القرآن کا مضمون تین مہینوں سے نہیں آیا، اس لیے سر دست دونوں صفحات اکمل البیان کو دیے جاتے ہیں تاکہ یہ جلد ختم ہو۔ (اہلحدیث امرتسر 27/صفر 1354 ؁ھ مطابق 31/ مئی 1935؁ء ص:11)[2]

[1] ایسی محبوبہ کی طرف سمجھدار آدمی بھی محبت سے جھکتا ہے جب اوڑھنی اور دوپٹہ لے کر سیدھی ہوتی ہے۔ (دیوان امرؤ القیس، ص: 5) اس شعر میں مثل کا لفظ زائد ہے۔ [2] مراجعہ تمام شد۔ اسعد اعظمی۔ یوم الجمعۃ۔ 3/محرم 1432؁ھ مطابق10/دسمبر 2010 ؁ء