برھان التفاسیر لإصلاح سلطان التفاسیر

ہوگئی ہے کہ جدید فرقوں کی جتنی تفسیریں اردو زبان میں چھپ چکی ہیں ساتھ ساتھ ان سب پر نظر ہوتی جائے تو بہت اچھا ہے۔ جدید الطبع مروجہ تفسیرات یہ ہیں: 1تفسیر احمدی علی گڈھی۔ 2تفسیرات احمدیہ قادیانیہ۔[1] 3بیان القرآن از مولوی محمد علی صاحب لاہوری احمدی۔[2] 4بیان للناس از مولوی احمد دین صاحب امرتسری اہل قرآن۔[3] 5ترجمہ قرآن از مولوی عبداللہ چکڑالوی اہل قرآن۔ سرسید احمد خان مرحوم علی گڈھی کی تفسیر کا ذکر ہم تفسیر ثنائی میں مفصل کر چکے ہیں۔ تاہم یہاں بھی بمقدار قلیل کسی خاص غرض سے اس کا ذکر آتا رہے گا۔ بحولہ و قوتہ نوٹ: سورہ بقرہ کے چھٹے رکوع کے الفاظ مع ترجمہ و تشریح ہم درج کر چکے ہیں اس کے بعد پادری صاحب سے مکاملہ جاری ہوا ہے۔ اس سلسلہ کا ذکر پہلے ہوچکا ہے کہ پادری سلطان محمد پال کے جواب میں یہ سلسلہ جاری ہوا ہے۔ پادری صاحب نے اپنی تفسیر کے صفحہ (153) سے صفحہ (180) تک قرآن اور کتب سابقہ کی عبارات متعلقہ قصہ حضرت موسیٰ علیہ السلام نقل کی ہیں۔ اتنے صفحات میں پادری صاحب سے بڑا تساہل اور غلطی یہ ہوئی ہے کہ آپ نے قرآنی کالم میں قرآنی

[1] مرزا صاحب قادیانی یا حکیم نورالدین میاں محمود خلیفہ قادیان نے مستقل تفسیر کوئی نہیں لکھی۔ البتہ ان کے درس قرآن کے نوٹ ملتے ہیں۔ مباحث کے ذیل میں کسی آیت کا ترجمہ یا تفسیر جو لکھی ہے اس کا ذکر ہوتا رہے گا۔ ان شاء اللہ۔ [مؤلف] [2] یہ صاحب اگر چہ مرزا غلام احمد صاحب قادیانی کے مرید ہونے کی وجہ سے احمدی ہیں مگر تفسیر اور بہت سے مسائل اعتقاد میں سر سید احمد خان سے بھی بہت مستفیض ہیں۔ [مؤلف] [3] یہ صاحب با قاعدہ علوم عربیہ نہیں پڑھے، انٹرنس پاس کر کے اسلامیہ اسکول امرتسر میں مڈل درجے میں ماسٹر ہوگئے تھے، سر سید مرحوم کی تصنیفات دیکھا کرتے تھے۔ چنانچہ انہی کا رنگ لے کر اسی قسم کے خیالات کو تفسیر ’’بیان للناس‘‘ میں بھر دیا ہے۔ آپ حجیت حدیث کے منکر ہیں اس لئے ہم ان کو اہل قرآن کی صنف جانتے ہیں۔ [مؤلف]