بیماریاں اور ان کا علاج مع طب نبوی

٭ قرآن سے علاج کیجئے :۔ 1.قرآن حکیم تمام نفسیاتی اور جسمانی بیماریوں کے علاج کا سرچشمہ ہے ہر مسئلہ میں اللہ تعالیٰ سے رجوع کرنا چاہئے ہر چیز (صحت پیسہ ، اولاد،شادی امتحانات میں کامیابی ) صرف اور صرف اللہ ربّ ا لعزّت سے مانگئے صرف وہی دیتا ہے۔ 2. روزانہ کم از کم ایک صفحہ قرآن ترجمہ و تفسیر کے ساتھ پڑھیئے۔ جادو سے حفاظت اور اسکا علاج (مع منزل) قرآن کریم پورے کا پورا ظاہری و باطنی شفا اور رحمت ہی ہے جہاں سے بھی پڑھیں اِنْ شَائَ اللّٰہُ تَعَالٰی شفاہی شفا ہے جیسا کہ فرمان الٰہی ہے :۔ وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ (ترجمہ)’’ اور ہم قرآن میں سے جو نازل کرتے ہیں وہ ایمان والوں کے لئے سراسر شفا اور رحمت ہے۔‘‘ (بنی اسرائیل 17: آیت 82) لہٰذا نقش و تعویذ کے مقابلہ میں آیات قرآنیہ اور وہ دعائیں جو احادیث سے منقول ہیں یقینا بہت ہی زیادہ مفید اور مؤثر ہیں۔ روزانہ کے عملیات میں انہیں چیزوں کا اہتمام کرنا چاہئیے۔ نبی کریم صلی اللہ علیہ وسلم نے دینی اور دنیاوی کوئی حاجت اور غرض ایسی نہیں چھوڑی جس کیلئے دعا کا طریقہ تعلیم نہ فرمایا ہو۔ (صلی اﷲ تعالیٰ علیہ واٰلہٖ وسلم) جس شخص پر جادو یا جن یا نظر بد وغیرہ کا اثر ہو تو یہ دعائیں اور قرآنی آیات پڑھ کر دم کریں :۔ 1. بِسْمِ اللّٰہِ اَ رْ قِیْکَ مِنْ کُلِّ شَیْیئ یُّـؤْ ذِ یْکَ وَ مِنْ شَرِّ کُلِّ نَفْسٍ اَوْ عَیْنِ حَا ِسدٍ اَللّٰہُ یَشْفِیْکَ بِسْم ا للّٰہِ اَرْ ِقیْکَ (ترجمہ)’’اﷲتعالیٰ کا نام لیکر میں آپ پر دم کرتا ہوں ہر اس چیز سے جوآپکو تکلیف دے ہر نفس کے شر سے یا حسد کرنے والی آنکھ کے شر سے۔ اﷲ تعالیٰ آپکو شفا دے۔ میں اﷲتعا لیٰ کا نام لیکرآپ پر د م کرتا ہوں۔‘‘ (مسلم) (تین مرتبہ)