بدعات سنت کے میزان میں

کریں ،معتزلہ، جہمیہ، باطنیہ ، صوفیہ سے رسم و راہ رکھیں ، انکار حدیث، انکار قرآن ، انکار معجزات پر مبنی مواد کو ٹٹولیں اور پرکھیں ۔یہ سبھی اپنے استدلال کی بنیاد قرآن کی آیات و احادیث رسول پہ رکھتے ہیں ، حدیث کے انکار کے لئے قرآن اور قرآن کے انکار کے لئے احادیث پیش کی جاتی ہیں ۔ جھوٹی نبوت کا ثبوت و ہ بھی قرآن و حدیث میں ؟ یہ تو ممکن نہیں ، مگر قرآن کی کسی آیت کو اپنی مرضی کا معنی پہنا لیا جانا ممکن و شائع ہے۔قرآن آخرت کا اثبات کرتا ہے، اس کا انکار ناممکن مگر جنت کا معنی موسمِ بہار اور جہنم کا مطلب حالات کی تنگی و ترشی لے لینا، قرآن کے انکار کا مجرب نسخہ ہے، بلکہ یہاں تک کہ تیرہویں صدی میں پیدا ہونے والے روس کے اشتراکی نظام کو نظام الٰہی کہہ کر خود رسول اللہ صلی اللہ علیہ وسلم کے فہم قرآن کو بیک جنبش قلم غلط ٹھہرا دینے کی مثالیں بھی قرآن کی آیات سے لائی جاتی ہیں اور آپ حیران ہوں گے کہ قرآن ہی کی آیات پیش کرکے عیسائی و یہودی مبلغین رسول اللہ صلی اللہ علیہ وسلم کی نبوت کا انکار کرتے ہیں ۔ آخر قرآن و حدیث کا کون سا فہم مانیں ؟ یہود والا، عیسائیوں والا، ختم نبوت کے انکار والا، معجزات کے انکار والا، ’’نظام الٰہی ‘‘یعنی اشتراکیت والا، انکار حدیث والا یا انکار آخرت والا؟خصوصا ایسی صورت میں جب کہ ہر ایک کو اپنے فہم کے حتمی وحرف آخر ہونے پر دعوی بلکہ ضد ہو؟کیا اس کے سواکوئی صورت نظر آتی ہے کہ ہم نبی کریم صلی اللہ علیہ وسلم کے زمانے میں چلے جائیں ؟ آپ صلی اللہ علیہ وسلم کے شاگردوں کے عقائد اور اخلاق واعمال کو دیکھیں ، آیات قرآنیہ اور نصوص سنت کا معنی ومفہوم ان سے سمجھ لیں ؟ یعنی قرآن جب جنت کا اثبات کرتا ہے، تو تصورموسم بہار ہوگا یا وہ جو رسول صلی اللہ علیہ وسلم