بدعت کتاب وسنت کی روشنی میں

فراموش کرتے ہوئے مسلم خواتین کا پارکوں میں نکلنا نہایت ہی افسوسناک ہے۔ اﷲ تمام مسلمانوں کو خرافات سے محفوظ رکھے۔ عید میلاد النبی صلی اللہ علیہ وسلم اکثر مسلمان12؍ ربیع الأول کورسول اکرم صلی اللہ علیہ وسلم کی پیدائش کا جشن عید میلاد النبی کے نام سے مناتے ہیں، حالانکہ آپ صلی اللہ علیہ وسلم کی ولادت با سعادت 9؍ ربیع الأول مطابق 22؍ اپریل 571ء ؁ کو دوشنبہ کے دن صبح صادق کے وقت ہوئی،اگرچہ کہ لوگوں کے درمیان آپ کی تاریخ ولادت 12؍ ربیع الأول مشہور ہے، لیکن محققین کی رائے مطابق واقعہ فیل 17؍ محرم الحرام کو پیش آیا اور اس لئے عام الفیل کی ابتداء 18؍ محرم الحرام سے ہوئی اور اس سال محرم کا مہینہ30دن کا تھا، اور ماہ ِ صفر 29 دن کا اگر اس میں ربیع الأول کے 8 دن جوڑے جائیں تو 13+29+8=50 پچاس دن بنتے ہیں،اور اکثر مؤرخین کا اس بات پر اتفاق ہے کہ آپکی ولادت باسعادت واقعہ فیل کے پچاس دن بعد ہوئی تھی اور اس سال یکم ربیع الأول، اتوار کا دن تھااور اس طرح دوشنبہ کا دن صرف9؍ ربیع الأول کو ہی آسکتا ہے اور یہ بات صحیح احادیث سے ثابت ہے کہ آپ 1 کی پیدائش پیر کے دن ہوئی تھی۔تفصیل کیلئے دیکھیں "رحمۃ للعالمین :از قاضی محمد سلیمان سلمان منصور پوری رحمہ اللہ " عید میلاد کا ثبوت نہ قرآن وسنت سے، نہ صحابۂ کرام رضی اللہ عنہم کے عمل سے ملتا ہے، اور نہ ہی قرون اولیٰ میں اس کا کوئی وجود ملتا ہے، بلکہ اسے 625؁ھ میں ایجاد کیا گیا۔ شریعتِ اسلامیہ میں اس