بدعت کا انسائکلوپیڈیا(قاموس البدع)

’’أحکام الجنائز‘‘ (۳۳۶/۲۴۰)، ’’تلخیص الجنائز‘‘ (۱۱۱/۲۴۰)۔ ۲۴۱: اس کا یوں کہنا: آپ صلی اللہ علیہ وسلم کے اپنی امت کو دیکھنے اور آپ کے ان کے احوال اور ان کی نیتوں اور حسرتوں وغیرہ کو جاننے کے حوالے سے آپ صلی اللہ علیہ وسلم کی موت و حیات میں کوئی فرق نہیں: [1] ’’أحکام الجنائز‘‘ (۳۳۶/۲۴۱)، ’’تلخیص الجنائز‘‘ (۱۱۱/۲۴۱)۔ ۲۴۲: قبروں پر شاخیں اور پھول وغیرہ رکھنے کی بدعت: ہمارے شیخ رحمہ اللہ نے اس بات کو ترجیح دی ہے کہ دو قبروں پر کھجور کی شاخ رکھنا اور آپ صلی اللہ علیہ وسلم کا فرمان: ’’شاید کہ ان دونوں کے عذاب میں تخفیف کردی جائے جب تک یہ دونوں شاخیں خشک نہ ہوں۔‘‘ آپ صلی اللہ علیہ وسلم کے ساتھ خاص ہے۔ آپ رحمہ اللہ نے ’’أحکام الجنائز‘‘ (ص۲۵۳۔۲۵۸) میں فرمایا: بے شک وہ آپ صلی اللہ علیہ وسلم کے ساتھ خاص ہے، [2] اس کی دلیل ہے کہ سلف کے ہاں اس پر عمل جاری نہیں ہوا اور دیگر امور کا بیان آئے گا۔ خطابی رحمہ اللہ نے ’’معالم السنن‘‘ (۱/۲۷) میں اس حدیث کی شرح کرتے ہوئے فرمایا: ’’بے شک یہ نبی صلی اللہ علیہ وسلم کے اثر سے برکت حاصل کرنے اور ان دونوں سے عذاب کی تخفیف کے متعلق آپ کی دعا کے ضمن میں ہے، گویا کہ انھوں نے ان دونوں کے عذاب میں تخفیف کی حد ان دونوں (شاخوں) میں تازگی کے باقی رہنے کو قرار دیا اور یہ اس لیے نہیں کہ یہ (عذاب میں تخفیف) تازہ شاخ کی وجہ سے ہے اور خشک اس معنی میں نہیں ہے، بہت سے علاقوں میں عمومی طور پر لوگ اپنے مردوں کی قبروں پر کھجور کے پتے رکھتے ہیں اور میں نے انھیں دیکھا کہ ان کا یہی موقف ہے اور جس کام میں وہ منہمک اور مشغول ہیں اس کی کوئی وجہ نہیں۔‘‘ شیخ احمد شاکر نے ترمذی (۱/۱۰۳) پر اپنی تعلیق میں اس کے بعد فرمایا:

[1] شیخ الاسلام رحمہ اللہ نے ’’الرد علی البکری‘‘ (ص۳۱) میں فرمایا: ’’اور ان میں سے جو گمان کرتا ہے کہ رسول اللہ صلی اللہ علیہ وسلم یا شیخ اس کے گناہوں اور اس کی ضرورتوں کو جانتا ہے، خواہ وہ انھیں ذکر نہ کرے، وہ اس کی بخشش اور اس کی ضرورتیں پوری کرنے پر قادر ہے اور جس پر اللہ قدرت رکھتا ہے وہی قدرت وہ بھی رکھتا ہے اور جو اللہ جانتا ہے وہ بھی جانتا ہے۔ میں نے ایسے لوگوں کو دیکھا ہے اور میں نے یہ ان سے سنا ہے اور ان میں سے کچھ شیوخ ہیں جن کی اقتداء کی جاتی ہے۔ وہ مفتی ہیں، قاضی ہیں اور مدرس ہیں‘‘ ’’واللّٰہ المستعان، ولا حول ولا قوۃ الا باللہ۔‘‘. [2] فائدے کو مکمل کرنے کے لیے ہم نے احکام الجنائز سے وہ کلام نقل کیا ہے جسے ہمارے شیخ رحمہ اللہ نے نبی صلی اللہ علیہ وسلم کے کھجور کی شاخ کا ایک ایک ٹکڑا دو قبروں پر رکھنے کے حوالے سے ترجیح دی ہے، وہ آپ کے ساتھ خاص ہے۔ وہ آپ کے کلام اور اہل علم رحمہم اللّٰہ جمیعاً سے ظاہر ہے.