برصغیر میں اہل حدیث کی اولیات

ہیں جو مندرجہ ذیل ہیں: 1… فتح البیان في مقاصد القرآن: یہ عربی زبان میں قرآن مجید کی تفسیر ہے۔ پہلے یہ چار جلدوں پر مشتمل تھی اور نواب صاحب کی زندگی میں بھوپال میں شائع ہوئی تھی۔ اشاعت کے بعد نواب صاحب نے اس کے متعدد مقامات پر بہت سے اضافے کیے اور یہ عربی تفسیر دس جلدوں میں پھیل گئی۔ پھر اسے خود ہی مصر سے طبع کرایا۔ بڑے سائز کے یہ چار ہزار سے زائد صفحات پر محیط ہے۔ 2… ترجمان القرآن بلطائف البیان: یہ تفسیر اردو زبان میں ہے جو پندرہ جلدوں میں مکمل ہوئی۔ 3… تذکیر الکل بتفسیر الفاتحۃ وأربع قل: یہ کتاب اردو زبان میں سورت فاتحہ اور سورت قل یا أیھا الکافرون، سورت اخلاص (قل ھو اللہ احد)، سورت قل اعوذ برب الفلق اور سورت قل اعوذبرب الناس پر مشتمل ہے۔ 4… نیل المرام من تفسیر آیات الأحکام: یہ عربی زبان میں ہے اور قرآن مجید کی ان 236 آیات کی تفسیر ہے جو احکام سے تعلق رکھتی ہیں۔ 5… فصل الخطاب في فضل الکتاب: یہ کتاب اردو زبان میں ہے اور اس میں قرآن مجید کے فضائل بیان کیے گئے ہیں۔ اپنے موضوع کی یہ منفرد کتاب ہے۔ 6… اکسیر في أصول التفسیر: یہ کتاب فارسی زبان میں ہے اور دوحصوں میں ہے۔ حصۂ اول میں کتبِ تفسیر کا تعارف کرایا گیا ہے اور حصۂ دوم میں مفسرین کے حالات بیان کیے گئے ہیں۔ اس موضوع کی یہ اولیں کتاب ہے جو برصغیر کے ایک اہل حدیث مصنف نے تصنیف کی۔ 7… إفادۃ الشیوخ بمقدار الناسخ والمنسوخ: یہ کتاب بھی فارسی میں ہے اور دو حصوں میں منقسم ہے۔ پہلے حصے میں آیاتِ قرآن کے ناسخ ومنسوخ کاذکرکیا