عظمت قرآن : بزبان قرآن

قرآن دیا ہو اور وہ راتوں کو اس کی تلاوت کرتا اور اس پر عمل کرتا ہو۔2 اور وہ شخص جسے اللہ تعالیٰ نے مال دیا ہو اور وہ دن رات اسے اللہ کی راہ میں خرچ کرتا ہو۔‘‘ بکثرت تلاوت کرنے والے پر رشک کرنے والا مومن بھی قابلِ رشک ہے۔صحیح بخاری اور مسند احمد میں حضرت ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ((لَا حَسَدَ اِلَّا فِيْ اثْنَیْنِ:رَجُلٌ عَلَّمَہُ اللّٰہُ الْقُرْآنَ فَہُوَ یَتْلُوْہُ آنَائَ اللَّیْلِ وَآنَائَ النَّہَارِ فَسَمِعَہٗ جَارٌ لَہٗ فَقَالَ:لَیْتَنِيْ اُوْتِیْتُ مِثْلَ مَا أُوْتِيَ فُلَانٌ فَعَمِلْتُ مِثْلَ مَا یَعْمَلُ،وَرَجُلٌ آتَاہُ اللّٰہُ مَالاً فَہُوَ یُہْلِکُہٗ فِي الْحَقِّ،فَقَالَ رَجُلٌ:لَیْتَنِيْ اُوْتِیْتُ مِثْلَ مَا أُوْتِيَ فُلَانٌ فَعَمِلْتُ مِثْلَ مَا یَعْمَلُ)) (صحیح البخاري،کتاب فضائل القرآن:۵۰۲۶) ‘’دو آدمیوں پر رشک کرنا جائز ہے:1 وہ آدمی جسے اللہ تعالیٰ نے قرآن سکھایا اور وہ اسے دن رات پڑھتا ہے،اور اس کا پڑوسی سن کر کہتا ہے:کاش! مجھے بھی قرآن مجیداسی طرح سکھایا گیا ہوتا،جس طرح اسے سکھایا گیا ہے تو میں بھی ایسے ہی قرآنِ مجید کی تلاوت کرتا(وہ پڑوسی قابلِ رشک ہے)۔2اسی طرح وہ آدمی جسے اللہ تعالیٰ نے مال دیا اور وہ اسے راہِ حق میں لٹاتا رہتا ہے اور اس کا ہمسایہ اسے دیکھ کر کہتا ہے:کاش! میں بھی اسی طرح مال دیا گیا ہوتا جس طرح یہ دیا گیا ہے اور میں بھی اسی طرح راہِ حق میں لٹاتا جس طرح یہ لٹارہا ہے(وہ ہمسایہ بھی قابلِ رشک ہے)۔‘‘