عظمت قرآن : بزبان قرآن

دہشت گردی کے مراکز قرار دیا جاتا ہے۔ حکومت کے کنٹرول میں موجود ذرائع اِبلاغ کو فحاشی اور بے حیائی پھیلانے کے لیے تو دن رات کے چوبیس گھنٹے میسر ہیں،اگر نہیں تو قرآنِ مجید کی چند آیات کی تلاوت کرنے کا وقت میسر نہیں۔ سکولوں اور کالجوں میں ہر طرح کا نصاب پڑھانے کے لیے اساتذہ میسر ہیں اگر نہیں تو قرآنِ مجید پڑھانے کے لیے قرّاء میسر نہیں۔ عوامی سطح پر قرآنِ مجید سے اعراض کا حال یہ ہے کہ گھروں اور دکانوں سے،کھیتوں اور کھلیانوں سے،تفریح گاہوں اور پارکوں سے،ویگنوں اور بسوں سے ہر وقت غلیظ،گندے اور لچر گانوں کی بے ہنگم آوازیں توہر وقت سنی جاسکتی ہیں،لیکن قرآنِ مجید کی تلاوت کی آواز کہیں سے سنائی نہیں دیتی۔الا ّما شآء اللہ انفرادی اور اجتماعی سطح پر قرآنِ مجید سے اعراض کا نتیجہ آج ہمارے سامنے ہے۔ارضِ مقدسہ فلسطین،کشمیر،افغانستان اور عراق وغیرہ ہر جگہ مسلمانوں کا قتلِ عام ہو رہا ہے۔افغانستان،عراق گوانٹا ناموبے،امریکہ،اسرائیل اور ہندوستان کی جیلوں میں مسلمان قیدیوں پر بے پناہ تشدد اور ظلم ہو رہا ہے۔مختلف بہانوں سے مسلمانوں کی مقدس کتاب کی جگہ جگہ بے حرمتی کی جارہی ہے۔زنانہ کپڑوں،جرابوں اور جوتوں پر قرآنی آیات لکھ کر قرآنِ مجید کی بے حرمتی،پاؤں تلے روند کر قرآنِ مجید کی بے حرمتی،فاحشہ عورت کی پیٹھ پر سورۃ النور کی آیت لکھ کر قرآنِ مجید کی بے حرمتی،متبرّک اوراق پر پیشاپ کرکے قرآنِ مجید کی بے حرمتی کی جاتی ہے،اور اس خبر نے تو پوری امت ِ مسلمہ کے سینے چھلنی کر دیے کہ گوانٹا ناموبے کے عقوبت خانہ میں امریکی جنرل فری ملر کی نگرانی میں قرآنِ مجید کا متبرّک نسخہ بیت الخلاء میں ٹیشو پیپر کے طور پر رکھ دیا گیا اور کم از کم ایک مکمل