عظمت قرآن : بزبان قرآن

ہے،اس کے سوا کوئی معبود(برحق)نہیں،پھر تم کہاں پھرے جاتے ہو؟‘‘ اسی سلسلے میں بعض اہلِ علم نے لکھا ہے کہ اس آیتِ کریمہ میں بیان کیے گئے تین پردوں سے مراد ماں کا پیٹ،رحم اور وہ جھلی ہے جس میں بچہ محفوظ رہتا ہے،اور جدید سائنس نے تخلیق کے اس عمل کی تصدیق کی ہے۔ قرآنِ مجید میں انسانی جنین کی مرحلہ وار تخلیق کی جو تفصیل دی گئی ہے اس سے پتا چلتا ہے کہ یہ تخلیق ایک ایسی قوت کے ہاتھوں عمل میں آتی ہے جو اس کی جزئیات تک سے واقف ہے۔ظاہر ہے وہ قوت،وہ منبعِ حیات ذاتِ باری تعالیٰ ہے جس نے اپنے پاکیزہ کلام میں چودہ صدیاں پہلے وہ دقیق طبی حقائق اشارتاً بیان کردیے جو بنی نوعِ انسان پر حال ہی میں آشکار ہوئے ہیں۔اس سے یہ بھی ثابت ہوتا ہے کہ قرآن واقعتا اللہ کا کلام ہے۔ اخرا جِ نطفہ کا مقام اور قرآن کا بیان: اللہ تعالیٰ نے قرآنِ مجید میں سورۃ الطارق میں انسان کو مخاطب کرتے ہوئے فرمایا ہے: } فَلْیَنْظُرِ الْاِِنْسَانُ مِمَّ خُلِقَ . خُلِقَ مِنْ مَّآئٍ دَافِقٍ . یَخْرُجُ مِنْم بَیْنِ الصُّلْبِ وَالتَّرَآئِبِ}[الطارق:۵ تا ۷] ‘’انسان کو دیکھنا چاہیے کہ وہ کسی سے پیدا ہوا ہے۔وہ اچھلتے ہوئے پانی سے پیدا ہوا ہے۔جو پیٹھ اور سینے کے درمیان سے نکلتا ہے۔‘‘ ان آیات کی تفسیر بیان کرتے ہوئے تفہیم القرآن میں سید ابو الاعلیٰ مودودی لکھتے ہیں: ’’اصل میں(یہاں)صلب اور ترآئب کے الفاظ استعمال ہوئے ہیں۔صلب ریڑھ کی ہڈی کو کہتے ہیں اور ترآئب کے معنیٰ ہیں سینے