عظمت قرآن : بزبان قرآن

قرآن مجید؛ نسخۂ شفاء قرآنِ مجید کی بکثرت تلاوت اور سماعت کفر و شرک،نفاق و ریا کاری،حسد،بغض و کینہ،لالچ،بخل،عداوت،شکوک و شبہات اور وساوس جیسی تمام روحانی بیماریوں سے شفا بخشتی ہے،جیسا کہ سورۂ یونس میں وضاحت کے ساتھ موجود ہے۔چنانچہ ارشادِ الٰہی ہے: } یٰٓاَیُّھَا النَّاسُ قَدْ جَآئَتْکُمْ مَّوْعِظَۃٌ مِّنْ رَّبِّکُمْ وَ شِفَآئٌ لِّمَا فِی الصُّدُوْرِ وَ ھُدًی وَّ رَحْمَۃٌ لِّلْمُؤْمِنِیْنَ}[یونس:۵۷] ’’لوگو! تمھارے پاس رب کی طرف سے نصیحت اور دلوں کی بیماریوں کی شفا اور مومنوں کے لیے ہدایت اور رحمت آ پہنچی ہے۔‘‘ لیکن سورت بنی اسرائیل اور سورت حم ٓ السجدہ کی آیات میں قرآنِ مجید کو مطلق شفا ارشاد فرمایا گیا ہے،جس کا مطلب یہ ہے کہ قرآنِ مجید جسمانی بیماریوں کے لیے بھی شفا ہے۔چنانچہ سورت بنی اسرائیل میں ارشادِ الٰہی ہے: } وَ نُنَزِّلُ مِنَ الْقُرْاٰنِ مَا ھُوَ شِفَآئٌ وَّ رَحْمَۃٌ لِّلْمُؤْمِنِیْنَ وَ لَا یَزِیْدُ الظّٰلِمِیْنَ اِلَّا خَسَارًا}[بني إسرائیل:۸۲] ’’اور ہم قرآن(کے ذریعے)سے وہ چیز نازل کرتے ہیں جو مومنوں کے لیے شفا اور رحمت ہے اور ظالموں کے حق میں تو اس سے نقصان ہی بڑھتا ہے۔‘‘ جبکہ سورۂ حم السجدہ میں فرمانِ باری تعالیٰ ہے: