کتاب: اذکار نافعہ - صفحہ 95
ج: تحمید کے فضائل:
ا: بہترین دعا:
امام ترمذی اور امام نسائی نے حضرت جابر بن عبداللہ رضی اللہ عنہما سے روایت نقل کی ہے ، کہ انہوں نے بیان کیا ، کہ میں نے رسول اللہ صلی اللہ علیہ وسلم کو فرماتے ہوئے سنا:
’’بہترین دعا:
[اَلْحَمْدُ لِلّٰہِ] ہے۔‘‘[1]
۲: شکرِ نعمت کا نعمت سے افضل ہونا:
امام ابن ماجہ نے حضرت انس رضی اللہ عنہ سے روایت بیان کی ، کہ انہوں نے بیان کیا ، کہ رسول اللہ صلی اللہ علیہ وسلم نے ارشاد فرمایا:
’’اللہ تعالیٰ کسی بندے پر کوئی احسان فرمائیں اور وہ [اَلْحَمْدُ لِلّٰہِ] کہے ، تو اس کا ایسے کہنا [اس کے لیے اجر و ثواب کے اعتبار سے] اسے ملنے والی نعمت سے افضل ہوتا ہے۔‘‘[2]
[1] جامع الترمذي ، أبواب الدعوات عن رسول اللہ صلي الله عليه وسلم ، باب ما جاء أن دعوۃ المسلم مستجابۃ ، جزء من رقم الحدیث ۳۶۰۷، ۹؍۲۲۹؛ والسنن الکبریٰ، کتاب عمل الیوم واللیلۃ ، أفضل الذکر وأفضل الدعاء ، جزء من رقم الحدیث ۱۰۵۹۹، ۹؍۳۰۶۔ امام ترمذی اور شیخ البانی نے اسے [حسن] قرار دیا ہے۔ (ملاحظہ ہو: جامع الترمذي ۹؍۲۲۹۔ ۲۳۰؛ وصحیح سنن الترمذي ۳؍۱۴۰)۔
[2] سنن ابن ماجہ، أبواب الأدب،باب فضل الحامدین،رقم الحدیث ۳۸۵۰، ۲؍۳۳۶۔ شیخ البانی نے اسے [حسن] قرار دیا ہے۔ (ملاحظہ ہو: صحیح سنن ابن ماجہ ۲؍۳۱۹)۔ نیز ملاحظہ ہو: صحیح الترغیب والترھیب ، کتاب الذکر ، الترغیب في التسبیح والتکبیر ، ۲؍۲۴۳۔