کتاب: اذکار نافعہ - صفحہ 58
نبی کریم صلی اللہ علیہ وسلم سونے سے پہلے [مسبِّحات] پڑھتے تھے۔ آنحضرت صلی اللہ علیہ وسلم نے فرمایا:
’’ إِنَّ فِیْھِنَّ آیَۃً خَیْرٌ مِنْ أَلْفِ آیَۃ۔‘‘[1]
’’ یقینا ان میں سے ایک آیت [ایسی ہے جو] ہزار آیت سے بہتر ہے۔‘‘
۷: سورۃ الکہف:
۱: ابتدائی دس آیات کے حافظ کا دجال سے محفوظ ہونا:
امام مسلم نے حضرت ابو الدرداء رضی اللہ عنہ سے روایت نقل کی ہے ،کہ یقینا نبی کریم صلی اللہ علیہ وسلم نے فرمایا:
’’ مَنْ حَفِظَ عَشْرَ آیَاتٍ مِنْ أَوَّلَ سُوْرَۃِ الْکَھْفِ عُصِمَ مِنَ الدَّجَّالِ۔‘‘ [2]
’’ جس شخص نے سورۃ الکہف کی ابتدائی دس آیات حفظ کیں ، وہ دجال سے بچایا گیا ۔‘‘
ب: اس کے پڑھنے پر نزولِ اطمینان:
امام بخاری نے حضرت براء رضی اللہ عنہ سے رو ایت نقل کی ہے ،کہ انہوں نے بیان کیا ، کہ ایک شخص سورۃ الکہف کی تلاوت کر رہا تھا اور اس کے پہلو میں دورسوں میں بندھا ہوا گھوڑا تھا ، ایک بادل نے اسے ڈھانپ لیا ، پھر وہ قریب سے قریب ہونے لگا اور گھوڑا بدکنے لگا۔
انہوں نے نبی کریم صلی اللہ علیہ وسلم کی خدمت میں حاضر ہو کر اس [واقعہ] کا ذکر کیا ، تو آنحضرت صلی اللہ علیہ وسلم نے فرمایا:
[1] جامع الترمذي،أبواب فضائل القرآن،باب ، رقم الحدیث ۳۰۸۹،۸؍۱۹۲۔ امام ترمذی اور شیخ البانی نے اسے [حسن] قرار دیا ہے۔ (ملاحظہ ہو: المرجع السابق ۸؍۱۹۲؛ وصحیح سنن الترمذي۳؍۱۱)۔
[2] صحیح مسلم،کتاب صلاۃ المسافرین وقصرھا،باب فضل سورۃ الکھف وآیۃ الکرسي، رقم الحدیث ۲۵۷۔ (۸۰۹) ،۱؍۵۵۵۔