اولیاء حق و باطل

نیزاسی لیے شیطان اس شخص کی صورت اختیارکرلیتاہے جس سے مشرکین حاجت طلب کرتے ہیں۔ چنانچہ اگرنصرانی ہے اور جرجس[1]یاکسی سے مدد کاطالب ہوتاہے ، توشیطان جرجس یاکسی اور دوسرے کے بھیس میں آجاتاہے۔ اور اگراس کاتعلق اسلام سے ہے اور کسی ایسے مسلم شیخ سے فریاد کرے جس سے حسن ظن رکھتاہو توشیطان اسی شیخ کے بھیس میں آجاتاہے ، اور اگروہ ہندوستانی مشرک ہے توشیطان اس شخص کی صورت اختیار کرلیتاہے ، جواس مشرک کے نزدیک معظم ہوتاہے۔ پھر مطلوب اگر شریعت سے واقف ہے تو توشیطان اسے محسوس نہیں ہونے دیتاکہ وہ طالبین کے سامنے آیاہے ، اور اگر وہ شریعت سے بے خبر ہے توشیطان طالب ومطلوب کے درمیان گفتگوکاذریعہ بن جاتاہے اور طالب یہ سمجھتاہے کہ مطلوب دور سے اس کی آوازسنتاہے حالانکہ درمیان میں شیطان واسطہ بناہوتاہے۔ اس طرح کاماجراکشف وخطاب کے ذریعہ بعض شیوخ کے ساتھ پیش آچکاہے ، انہوں نے بتایاکہ جن مجھے پانی اور شیشہ جیسی چمکدارچیزدکھاتے ہیں اور جس خبرکوپہنچانامطلوب ہوتاہے اس کے لیے سامنے آتے ہیں ، چنانچہ لوگوں کو اس کی خبردیتے ہیں طالبین کاکلام مجھ تک پہنچاتے ہیں ، میں اس کاجواب دیتاہوں ، جسے وہ طالبین تک پہنچادیتے ہیں۔ بہت سارے شیوخ جنہیں یہ کرامات حاصل ہوتی ہیں ، جب کوئی ناواقف جھٹلاتاہے اور کہتاہے کہ ایساتم لوگ مختلف تدبیروں سے کام لے کرکرتے ہو ، جیسے کوئی سنگ طلق[2]پوست نارنگ[3]اور روغن غوک[4] ، وغیرہ جسم پرمل کر آگ میں داخل ہوجاتاہے اور اس پر اثر

[1] ) جرجس ، نصرانیوں کے درمیان بڑامعروف نام ہے۔ ۲۰۸ھ میں پیداہوا۔ ۳۰۳ھ میں وفات ہوئی۔ فلسطین میں دفن کیاگیا۔ کنیسہ اس کے نام کوبڑی اہمت دیتاہے ، دیکھئے: دائرۃ المعارف الحدیثۃ ص (۶۱۲) [2] ) سنگ طلق:… ایک شفاف ، چمکدارپرت در پرت پتھرہوتاہے ، توڑنے پرچوڑے چوڑے پرت نکل آتے ہیں ، پیسنے سے سفوف بن جاتا ہے۔ جسم پر ذرور کرنے سے ٹھنڈک اورنرمی پیداہوجاتی ہے ، اس کے باعث آگ میں داخل ہونے سے کوئی اثرنہیں ہوتا۔ [3] ) پوست نارنگ:… سنگترے کاچھلکا۔ [4] ) روغن غوک:… مینڈک کی چربی۔